معنى حلمنتيشى

حد يقدر يقولى يعنى ايه حلمنتيشى

اللى هيجاوب هياخد جايزه بالبقشيشى

هيا مش موضه ولا تبع الناس الدراويشى

ولا تقدر كمان تسميها خنتريشى

واحده واحده طيب يا ست متزوقيشى

هقول واخرج كل اللى فى نغاشيشى

انا فى يوم نويت اكتب شويه كلام تحابيشى

فضلت اتحايل على القلم والقلم مرضيشى

اتارى القلم عامل دماغ وبيكتب الوان حشيشى

قصره. كتبت بيه طلع الكلام تلطيشى

لامنه لهجه صعيدى ولا منه بنجلاديشى

قولت ياواد الحق للفكره فى دماغك متصديشى

اتكل على الله وسمى المولود حلمنتيشى