اهداء لتوأمى.....
من أب وأم تانيين

ساعات بتبقى أصفى من السما بمسافات

واوقات أبعد من النجوم بساعات

وف كل الحالات......


احنا بنسرق م الزمن أوقات

وانا شعرى عمره ما يوصف الحكايات

دايما يعانى ويوصف الآهات

دايما يهاتى وجرحه عدى وفات

وأنا قبلك كنت دايما باحكى ع الماضى

واشكى ليالى الذل والآهات

وابكى ساعات الفرح والمسافات

حاضر هاجرب اوصف الأوقات

اللى قضيتها معاكى والحاجات

اللى خدتنى ونسيتنى اللى فات

اما عليكى ياقمر حبة حركات

ما بتغلطى.....

بتألدينى ف أغلب الحالات

بتألدى صوتى وتألدى سكوتى

حتى غناويكى ولا حكاويكى

بتحكى عنى وتوصف الهمسات

أنا هاوصف ساعات الهنا بالذات

مش ناوى أوصف خوفى وحسابى

أحسن يعدى الوقت والساعات

وارجع لوحدى أنازع السكرات

حبيبتى

لما الفراق المر ييجى على بالى

باجرى عليكى....واشكيلك

وتسمعى من لوعتى أنات


ساعت بتبقى أصفى من السما بمسافات

واوقات أبعد من النجوم بساعات

وف كل الحالات......

احنا بنسرق م الزمن أوقات
.............
.
alyzena