يوميات عواطليه
الجزء الاول اوعى تشوفك مراتك[color=purple]

تعالى هات شيشه يا عوض

واتنين ساقع وعليه العوض

يا عم ابوس ايدك سلكها بقى

دى شيشه تقطع النفس وتجيب المرض



سلكها ربنا يسلكهالك

هدعيلك يخليلك عيالك

وانت راجع هاتلنا طاوله

او شطرنج والنبى وطول علينا بالك



قوم يحسين اشيلك عشرتين

ولا تحب الشطرنج ابو حصانين

وفيل وكش مللك الملك يموت

لو مالكش فى السياسه اجيب( بليتين)؟




قولت ايه عيد حساباتك

ولا يا سحس خايف من مراتك

طيب نغير القاعده ونقوم بينا

يمكن هناك تعوض اللى فاتك



خبى وشك مراتك اهى معديه

هتطين عيشتك الليله ديه

لو عرفت انك بتاع قهاوى

اصاباتك ساعتها هتتفاقم وتبقى معديه