ابكوا عليا والطموا الخدود
الموت اخدنى ومش ممكن اعود

ذيدوا الصراخ خرج الجثمان من الباب

بيجرى للتراب لميعاد الحساب

كترت فى ذنوبى اوى وعليت

ولا فى مره دخلت جامع ولا صليت

اذيت فى الناس بدون احساس

وسمعت كلام الوسواس الخناس

معملتش حساب لو اليوم ده جالى

هعمل ايه دلوقتى ساعه سؤالى

اهو السكن الجديد وصلت له

انا شايف الناس جهزوه خلاص وداخل له

استنوا شويه قبل ما تدخلونى

المكان ديق مش الاول تسألونى

حطونى مكانى الاخير وسدوا قبرى

نفسى يسمعونى او اقوم اجرى

جسمى خلاص مش راضى يطاوعنى

بنادى على اهلى ولا حد سامعنى

الحقونى ياناس محدش ليا بيجيب

ايه ده الكل مشى قريب وغريب

سبتونى لوحدى هنا ومشيتوا

دانا فى حياتى مفيش ذنب خليتوا

كل اعمالى شايفها قدامى وندمان

هيفيد بأيه الندم بعد العدم يا انسان

لو تعرف يا مسلم اللى بيحصلى

لتتوب حالا وتصوم وتصلى