عفوا ..لايوجد


نزلت الشارع اكيد اول يوم رمضان وتانى يوم رمضان وانا كمان نزلت ولقيت ان فعلا
لا يوجد
اى مظاهر رمضانيه لا يوجد ما يدل على اننا فى رمضان وعلشان مبقاش كدابه طبعا وتقولوا عليا ببالغ الا الزينه ان وجدت ولكن وجدت فعلا هى اساليب استفزاز ومضايقه الناس اللى مشين فى االشارع وبالذات ساعه الفطار وساعه صلاة العشا وازعج المصلين بالبمب والصواريخ والحاجات اللى بتئذى دى وادى المظاهر الرمضانيه عندنا ودا احتفلنا وطريقه تقبلنا للشهر العظيم مش كلنا طبعا الجوامع مليانه بناس افضل انعم عليهم ربنا بنعمه العقل وعارفوا رمضان يعنى ايه البنات ماشاء الله البس هو هو والميكاب الكامل اللى مش بينقص غير الروج قبل الفطار علشان احنا صايمن بقه
دا البنات الشباب بقه طول النهار نوم قبل الفطار نصحى نشاط وهمه بقه نلبس الكوتش ونجرى عالشارع نلحق مكان قبل ما الاماكن تتملى ونجيب الكوره ونمارس الرياضيه المفضله الينا ويا حبذا بقه لو نخلع بالكوره وش اى حد ماشى ولا راجل كبير ولا ست عجوزه نرزعهم فى وشهم بالكوره يا سلام ونقعد نضحك بقه عملنا انجاز ولو حد قال ليه كدا ياابنى نرد امال ايه هنسيب حقنا ده حتى نبقى ناس ضعيفه لازم ايه يا عم الحج هو الشارع بتاعك لوحدك مش عجبك متمشيش من هنا احنا هنلعب بردو وكام شتيمه معتبرين كدا بعدين نقول استغفر الله العظيم انى صائم الواحد مش عايز يفطر على الناس دى نفطر بقه والحمدلله فطرنا وفوقنا البنات ترصص قدام المسلسلات والشاب على القهوه وتامر حسنى ملعلع معانا طبعا هو ملعلع معانا من اول اليوم عادى وادى اليوم ده رمضان
غير بقه ان الشتايم شغله بسم الله ماشاء الله الله ينور محدش يغلنا فى رمضان فى الزعيق والخناق وعلشان احنا تعبنبن مخنقوين وصايمين ومتحملين نعمل ايه يعنى نموت لا بنخرج اللى جونا ونخلص طاقتنا فى الزعيق والشتايم
لكن نمسك مصحف قبل الفطار ونقرى اقرى ايه يا عم الحج انا تعبان عاوز انام انا صايم انا قادر امال اشمعنى قادر تشتم فولت لحد كدا هيبصلك كدا كانك قولت حاجه عجيبه ويضحك والله اعلم يمكن تسمعلك كلمتين معتبرين كدا ويمكن يطلع مؤدب وشتم بعد ماتمشى انت
وانا والله شم بجمع انا بشوف شباب بجد ماشاء الله عليه وشه منور وعارف ربنا وعارف يعنى ايه احنا فى رمضان وبنات زى الفل الله اكبر عليهم محجبات واخر احترام بيمشوا فى الشارع مبيرفعوش عينهم من الارض
بس الواحد بيبقى بجد بجد حزين لما بنزل اصلى التراويح والقى القهوه جمب الجامع قاعدين اغانى ومسلسلات وتليفزيون وسجاير وشيشه وجمبه الصلاة شغاله ليه ياجماعه اللى بيصلوا دول ازيد من اللى عالقهوه فى ايه انت مسلم وهو مسلم اشمعنى هو غير منه وابقى زيه وخدها تحدى واتحدى نفسك الشيطان محبوس دلوقتى يبقى بتعمل كدا لسه ملكش حجه دى نفسك !!
اعمل واقفه مع نفسك احنا لسه فى بدايتها وربنا يكومنا جميعا

ده الجانب السيىء

بس منكرش ان فى جوانب مش جانب واحد يشرف ويفرج بجد ولسه فى خير ولسه فى ناس عارفه ربنا والجوامع بسم الله ماشاء الله مليانه بالمصلين ستات ورجاله وناس ربنا يحفظها ويثبتها يارب لدرجه بجد انى نزلت النهارده متاخر شويه عالصلاه ملقتش مكان خالص كله كامل انا وكذا واحده روحنا ندور على جامع تانى كله مليان طبعا زعلت انى هصلى فى البيت لوحدى بس فرحت من منظر الناس اللى جايه تلبى دعوة ربنا فى ناس جميله فعلا
وان شاء الله كلنا منهم لاخر رمضان ولبعد رمضان كمان

وكل سنه وانتم طيبين :077:
ورمضان كريم

وانا اسفه من طريقه كلامى لو زعلت حد
ولو جه الكلام على الوتر الحساس لحد يعتبرها تذكره اخوات وبنفكر بعض وبناخد رأى بعض فى اللى بيحصل يا جماعه احنا مسلمين ولازم ننصح بعض
لو ليك اى حد بيعمل كدا دورك وواجب عليك تنبه وتنصحه هو مش وحش هو مسلم واخ ليك بس فى غفله ارشده وليك ثوابك
ياريت كلنا نراجع نفسنا ونعمل واقفه بجد ونخلى رمضان بجد فاتحه خير علينا وربنا يهدينا ونستمر فى الاعمال الجميله لبعد رمضان كمان ونبقى متعودين عليها ونضاعفها فى رمضان اللى بعده كمان
واجى السنه اللى بعدها اقولكوا يا جماعه الحمدلله يوجد

اسفه انى طولت عليكم

فى حفظ الله..