الجزء التانى

اصابات بالغه
م انا قولتلك يومها تخلى بالك

عملت فيها سبع ايه اللى نابك

اديك خرجت بأصابات فوق البالغه

وهتراقبك من هنا ورايح ومتفرغه

الفقاقه انك تعمل العمله وتدارى

تقعد على قهوه او حتى تلعب اتارى

ياسيدى شغل مخك شويه وفكر

واما تنوى تصيع يبقى الآول تتنكر

اديك اخدت العلقه السخنه

ولففتنا بيك المستشفيات ودوخنه

لو حد سألك متقولش مراتك ضربتك

قول بعد ما حاسبت على المشاريب عربيه خبتطك

ايوه كده خليك راجل

ل فضيحتك تبقى بجلاجل

وخلى بالك من الست ام حماصه

تشوفك وتقول لمراتك اصلها ست خباصه

وراسك مش ناقصه تانى تخبيط

دانت كده ممكن تتخلف وتبقى عبيط

لو حد لمحك انزل تحت الترابيزه

اعمل ان وقعت منك بريزه

وانت وحظك لو الليله طين

هتبيت فى مستشفى ام المصريين