قابلت حبيبى فى ساعه صفا

شبكنا ايدينا وحسينا بالدفا

كان شتا والجو كان بارد

وقفت لوحدى على المحطه شارد

خايف حبيبى ميجيش ويتلكك

الجو ساقعه جدا وانا واقف بتكتك

والوقت بيعدى وحبيبه قلبى اتأخرت

ياخوفى متنزلش والاقى المطره مطرت

فجأه كده ودخلت جسمى السخونه

لما شوفتها شاورتلى من البلكونه

احترت افكر اول كلمه هقولهلها ايه

اقولها وحشتينى موت ولا اتأخرتى ليه

قابلتها ومقولتش اى حاجه على العموم

ومن شده حراره حبى مبقتش طايق الهدوم

حاسس فى عز البرد بنار جوايا

من وقت ما الحبيب جه وبقى معايا

كان يوم يحكى عنه التاريخ

خدنا الغرام طيران لكوكب المريخ

وجت لحظه اللى مسكت ايديها

والربكه عليا ومش قادر اخبيها

حسيت وقتها جسمى كله متكهرب

مسجون بابه مفتوح مش قادر يهرب

قولتلها وقلبى اتحرك من مكانه

بحبك بكل اشكال الحب والوانه

قولتلها نفسى تكملى معايا وجنبى

قولتها ورميت حجر كان على قلبى

نزل علينا المطر روى قلوبنا العطشانه

غنينا اغانى الحب وغنا الحب معانا

عدا الوقت بسرعه ازاى منعرفش

اتمنينا نفضل على طول سوا منروحش

وسبنا ايدين بعض ورجعنا بيوتنا

مالينا الخوف ل الحب يفوتنا

ورجعنا تانى حسينا بالبرد

بس النوبه دى كنا على وعد

اننا نحب بجد برغم الخطر

نحب حتى ولو تحب المطر