يا رحيم يا رب ارحمنا

من دنيا بتكسرنا

لاعشنا فيها ولا عشناها

وكمان عايزه تضمرنا

خسرناها وبتخسرنا

وتضحك غيرنا وتحسرنا

نورت ليهم طريقهم

ولا قدرت مره توصلنا

كاتمه علينا وبتدوس

خاتمه علينا بختم (منحوس)

تطفى ليك كل شموعك

وتقيد لغيرك مليون فانوس

بتعدى الهموم ورا بعض وتفوت

وقبل ما تفوق تلحقك( بشلوت)

تقولك على فين يا حبيبى

ده حالك لحد ما تموت

انت مصنف بقايمه (حزين)

تسيب الفقر وتروح لفين

الفقر والنحس ولاد عمك

ومن دمك وليك مقسومين