كل عام وانتم بخير
السلام عليكم يابنات
حبيت اشترك معاكو بخبرتى البسيطة فى الطبخ واتمنى يعجكبو
بس انا جربتها وطلعت جميله

المقادير
لحمه حسب الرغبه
بصل مقطع صغير
بقدونس مفروم
طماطم مقطعه صغيره
فلفل رومى مقطع صغير
ملح فلفل اسود بهارات
فى البدايه
تجيبى لحمه من الجزار وتقوليلو يقطعها شاورمه
تنقعيها فى نصف كوب خل وليمون لمدة 24ساعه
تانى يوم الصبح تجيبى طاسه وتحطى فيها لية خروف لحد ماتنزل كل السمنه التى بها وبعدين تجيبى اللحمه بالى فيها وتحطيها فى الطاسه الى فيها السمنه وتتشوح لحد ماتشرب ميتها وبعدين تجيبى البصل والطماطم والبقدونس والفلفل وطبعا الملح والفلفل الاسود والبهارات ويترك على النار لحدما يشرب ميته وتتذوقيه لو استوى تحطيه فى صاج الفرن لمده وجيزه لو مستواش حطى عليه شوية مرقه لحد مايستوى وبعدين تعملى الباقى

وللى مبيحبش لية الخروف ميخفش انا كمان مش بحبه
بس صدقونى مش هيبان خالص
وبالهنا والشفا