انا جايبلكم 10 حاجات بتحصل معانا كل يوم

يلا نشوفهااااا /scenic

1_لو انت واقف مستنى مواصله معينه هتفضل واقفلك ساعتين وفى الاخر هتيجى زحمه موت .. تعالى بقى فى الايام العاديه تبص تلاقى المواصله دى رايحه جايه قدام عينك وفاضييييييه

2_لو انت قاعد فى البيت بتتفرج على فيلم او ماتش مهم تيجى اول ما الحاجه تبدا وتروح الكهربا مقطوعه ومتجيش الا فى نهاية الحاجه دى ويسلام بقى لو صايم والجو حر يعنى لا فى تكييف ولا مروحه

3_لو قاعد على النت مستنى واحد صاحبك عزيز عليك مبتكلموش غير كل فين وفين يدوبج بس انتو هتسلمو علبعض وبعدين الحظ السيئ يشوف شغله يروح النت فاصل ولما يجى تانى تلاقى صاحبك قفل

4_لو انت مثلا فكرت تنزل الشارع وهتعدى الطريق وشايف الطريق من بعيد فاضى .. اول ماتوصل عند الطريق وتيجى تعدى تبص تلاقى العربيات بتترمى من كل ناحيه مع ان الطريق كان فاضى

5_لو موبايلك بطاريته ضعيفه وانت عارف كده ومحافظ على شوية الشحن اللى فيه ومش قاعد فى البيت ومستنى بقى مكالمه مهمه كمان نصف ساعه يدوب التليفون يرن وترد يقوم الموبايل فاصل شحن

6_لو قاعد مع زمايلك فى الكافى شوب ومش قادر عايز تدخل الwc تروح تلاقى الناس واقفه بالطابور مع انه كان فاضى

7_لو انت مثلا وراك مشوار مهم وعايز تنزل خلال 5 دقايق اراهنك لو ما اخدش فوقيهم نصف ساعه لان فى الوقت ده كل حاجه بتعصلج مع انك فى الايام العاديه ممكن تنزل فى 5 دقايق

8_تعالى بقى يا حلو لو فى حاجه ضايعه منك وانت عايزها هتقلب عليها الشقه وتفتش كل اللى فى البيت وتتدور فى كل حته صدقنى مش هتلاقيها تيجى بقى فى وقت تكون مش عايز الحاجه دى تبص تلاقيها قدام عينيك

9_شوف بقى لو انت نازل من بيتكو ورايح مشوار جامد ولابس بقى وكده وركيبت اى حاجه يروح جايلك مسمار رخم متعرفش منين ويشبط فى البنطلون بتاعك ويقطعهولك طبعا هتتعطل عن المشوار ومش هتروح مع انك بتركب مواصلات كتير مبيحصلش كده

10_ اما بالنسبه لو معاك عربيه متقلقش هتمشى بيها شويه وهتبص تلاقى اى حاجه تعطلك بردو العربيه مافيهاش بنزين العجله تتخرم اى حاجه تعطلك والسلام مع ان عربيتك كانت سليمه قبل كده


ايه رايكم بقى فى الموضوع ده يغيظ ولا لا

عايز ردودكم بقى وتقولولى لو الحاجات دى بتحصل فعلا ولا لا