بسم الله الرحمن الرحيم


السلام عليكم ورحمة الله وبركاته



بيقولك الريس جه فى يوم وجاب رئيس الوزراء وقاله شوف يا نضيف انا كبرت ويظهر ان العمر فى اخرة
. وانا بصراحه كدة نفسى اشوف فى مصر راجل واحد قبل ما اقابل ربنا.
انا عاوزك يا نضيف تعمل اللى هقولك عليه بالحرف الواحد لأنى نفسى اشوف مواطن واحد بيقول لا للظلم قدام الحكومة.




نضيف : كلام سيادتك اوامر ياباشا

الباشا: شوف يا نضيف اعملى على نازله كوبرى اكتوبر لجنه ويكون فيها رتب كبيرة العربية اللى عاوزة تعدى من اللجنة اللى سايق العربية يدفع 10 جنيه وينزل ياخد على قفاه ويمشى.يمكن ده مايعجبشى الشعب واشوفهم وهما بيقولوا لا للظلم قدام الرتب.


نضيف : تمام ياباشا فكرة هايلة ان دلت انما تدل على نظرة مبعدية من سيادتك لمستقبل البلد.


اللجان اتنصبت على الكوبرى وعم الريس اتنكر فى ملابس راجل فلاح ووقف يتابع بنفسه.
اليوم الاول الناس عرفت الموضوع .

واليوم التانى اللى سايقين العربيات كل واحد محضر ال 10 جنيه ومطرطق قفاه يدفع ويتلدع على قفاه .
وصاحبنا متابع من بعيد وعمال يقول مع نفسه نفسى اشوف راجل قبل مااموت.
عدى يوم واتنين وعشرة والحال زى ما هو ما فيش راجل كله بيدفع ويتضرب وفى اليوم ال 12 وساعة الذروة والشمس حامية واللجنة عليها ضغط والناس فى العربيات خلاص مش طايقة نفسها .

فنزل واحد من عربيتة قال يا عالم يا ظالمة ياعالم ياللى ما عندكوش ضمير .........فصاحبنا سمعه ففرح قوى :] وقرب منه وهو متنكر وطبعا معاة الرتب . فقاله مالك ياابنى ؟


السواق : يا عم الحج الدنيا حر وزحمة موت وساعة الضهرية يعنى البشوات اللى معاك دول لو يتكرموا علينا يزودوا عدد الناس اللى بتضربنا على قفانا علشان الطريق يمشى بسرعة .

واكون شاكر ليك يا عم الحج




يسقط يسقط الظلم :]