ايه يا عرب .... فين العرب.....!!!؟؟؟



ايه ياعرب فين القلوب هيا حجر

ولا انتوا ايه حياتكوا دى مالهاش تمن

دمكوا فى البلاد ينداس من غير ضمير يشفق عليه

هاتفقوا امتا ولا انتوا لسه غافلانين

مش شايفين الحقيقه ولا مستنين صلاح الدين

ولا انتوا شايفنها بس خايفين

هوا انتوا عندكوا ايه يتخاف عليه اكتر من دم العرب

مفيش غريب هايدافع عنكوا دانتوا العرب

كلنا عايشين نصارع على الحياه وناسين حق العرب...

نسينا دم الشهيد فى ارض العرب

كان الشهيد بيدافع عن حياه امه واخته وعمته

ومات الشهيد من غير ما يتحرك العرب!!!

كل ده وانتوا لسه بتتفرجوا

وتقولوا حرام عليهم دى مش انسانيه

والانسانيه انكوا تقفوا زى الجبل

من غير ماتتحركوا وتدافعوا عن ارض العرب....!!

هوا ده حق العرب ولا فين هما العرب

هتعملوا ايه يوم ما يسألكوا الشهيد عن دم امه وحق ابوه

هتقولوا ايه دا مافيش كلام يتقال عن دمه اللى راح هدر

هيحصل ايه لو حبينا بعض بجد واتفنا ايد بايد

هانهزم الدنيا اللى دايما بتعاند معانا

ونعيش سوا من غير ما نتصارع عليها

وتدور الديره من جديد تدور على الامل فيها

ونرجع نلاقى كرامه العربى متهانه وسط ملاين من الشعوب

ويقول الدنيا ظالمانه واالدنيا مظلومه

وبردو الدايره دواره

دا العيب عليكوا اتحدوا قبل ما يفوت الاوان

قبل ما ينهش لحمكوا كلاب الظلام

قبل ما ينزف دمكوا باقيت الزمان

قبل ما تصرخ واحده فيكوا وتقول نهشونا الديابه

وننادى على بعض ونقول عايشين فى غابه

وننادى مهما ننادى بردو مشغولين

بحمل الهم على كتافنا الهالكنين

عشان عايمين فيها من غير مانتعلم نعوم

ومعرفناش نحب بعض وقت اللزوم

وانتهزوا الكلاب ضعف قلوبنا المجروحين

ونزعوه بكل قوه من مكانه

اه ياعينى على العرب لما كانوا فى مجدهم.!!!

ياما خوفوا الديابه تيجى جنب حصنهم0

وياما اتمنت الديابه تكون فريستها منهم.

فضل الحلم يجرى فى دمها

لحد ما حققت حلمها واخدت اول فريسه منهم

واحده ورا التانيه لحد ما يجى اجلهم

والله اعلم بكره ايه مخبى الزمان

جايز الامور تتعدل وترجع الاسياد مكانهم وتعوى الديابه بعيد عنهم......!!!!؟؟؟؟




تاليف:

جـــــــــلاكــــســـــــ ــــيـــــــــــــانـــــ ــــــــــــوا