دي صنفره حلوه اووي للبشره و انا جايباها من وصافات خبير التجميل حسام المراغي ... اكيد معظمكو عارفينه

طبعا الصنفره دي مهمه جداا للبشره عشان بتشيل بقايا الجلد الميت و بتدي نضاره للبشره و اكيد انتو عارفيين الكلام ده كويس ..

المهم بجد الراجل ده وصفاته هايله جداا و انا بعملها علطول و بتجيب نتيجه بجد ...

المقادير بقي ايه الرغي ده

*نص كوب سكر بني مطحون ( و ده من اكتر الحاجات اللي بتنعم الوش اوي )

*نص كوب سكر ابيض مطحون

*6 معالق كبيره بن ناعم اوي

*10 معالق كبيره زيت لوز حلو

*10 معالق كبيره زيت الجوجوبا

*4 معالق صغيره عسل

*2 معلقه صغيره فانيليا

*4 كبسولات فايتمين E



الطريقه ....

*هنقلب السكر البني و الابيض و البن و الفانيليا و بعد كده نضيف زيت اللوز الحلو و زيت الجوجوبا و الفايتمين و العسل

و نقلب كويس جداا جداا ... هنبتدي نحط الماسك ده من تحت لفوق

عشان منرهقش البشره و نعجل بظهور التجاعييد ...

يارب يعجبكو و يجيب نتيجه معاكو و ابقو قولولي بقي ايه النظام