بقلم عرفه محمد


هيلا هيلا هب

وهيلا هيلا هب

مصر مبارك هي التوب

مصر في عصره بقالها تاريخ

صيتها مسمع في المريخ

بكرة تصنع في الصواريخ

تضرب دشنا وبر الغرب

هيلا هيلا هب

وهيلا هيلا هب

مصر مبارك عصر الخير

لبس شعبه يا ناس طراطير

غيّر في مواد الدساتير

طفا النور في طريق الشعب

هيلا هيلا هب

وهيلا هيلا هب

مصر مبارك هبة النيل

اسمها خالد في التنزيل

شعبها شاطر طبعه أصيل

ينسى آلامة في وقت الحرب

هيلا هيلا هب

وهيلا هيلا هب

مصر مبارك ورث جمال

تركة عظيمة حلال في حلال

بكرة ح يورثها الأنجال

وتسم لينا يا أجمل أب

هيلا هيلا هب

وهيلا هيلا هب

مصر مبارك آه وآهين

أصبح فين الحزن دفين

ح يودينا يا ترى على فين

نهرب منه يضل الدرب

هيلا هيلا هب

وهيلا هيلا هب