هو انتوا ليه فاكرين كده..!

ان الحياه من غير امل سهله اوى بالشكل ده..!

هى الحياه من غير امل تبقى حياه..!

ولا السما من غير نجوم يبقى مفيش كده زيها..!

ولا النجوم من غير قمر حلوه قوى..!

هوا انتوا ليه فاكرين كده..!

ان النسيم لما يعدى بضحكه حلوه فى الربيع يبقى انتصر..!

ولا الخريف لما ينادى على الحياه يبقى انكسر ..!

ولا الربيع لما يزهزه بالورود يبقى الفرح..!

هوا انتوا ليه فاكرين كده........!!!

ان الشتا من غير مطر يبقى ضرر ..!

ولا اليالى من غير اسا تبقى سمر..!

ولا الضحكه من قلب جريح تبقى فرح..!

هو الفرح من غير مرار يبقى انطرح .!!

ولا السما من غير سحاب تنذف مطر ..!

ولا الجبال من غير صخور تبقى جبل..!

هو البشر من غير ضمير يبقوا حجر..!

هو الضمير زى التراث بقى ذكرى

كانت من سنين زى طيف مليان مرح..!!

ولا احنا بس نشوفه فى الباترينات ونقول الله امر

ونرجع نصحى قلوب فيها الحب مات ....

ونصرخ فى وش قلوب طواها الزمن اللى فات..

وندوس على قلوب بتشوف الحب بالنظارات..

وننصح قلوب بتصحى الحب بعد ما مات

ونداوى قلوب فيها الف سكين مدبوحه من الصدمات ....

ونحاول نبكى قلوب زى الحجر مليانه بالاهات.

ونعتب على زمن خلى القلوب زى الحجر!!!

ولا خلاص الحب راح ونقول قرار وانتصر..!

ولا القلوب ماتت ونقول هو ده الدستور وصدر..

ولا العيون اللى سهرت تبكى على الامل خلاص صفت..!

و ورد الحب كمان دبل..

هيا الجراح خلاص اخدت من قلوبنا مقر ..

وداست على الحب اللى فينا بس من غير صبر...

و قلوبنا بقت زى قصر مليان جراح فرح حزن وصبر..!

ولا القلوب القاسيه اللى تدوس على قلوب مليانه قهر..

هو احنا نأسى ندوس نظلم ونجرح ونقول كل واحد حر..!

امتى تنكسر قلوب عاشت على حساب الحب..؟؟؟

عاشت على حساب قلوب مجروحـــــــــه مكسوره.....

ولما يجوا يشتكوا يقولوا مستوره..

ويوم ما يفرحوا يكون الحزن ماليها....!

ولما يفكروا يحبوا يلاقوها محفوره.

محفور عليها الاسى و الحزن والنسيان..

نسيان ملامح الحياه اللى مكتوب على جبين الامل

الامل اللى ضاع وسط الزحام ويا القدر.

اللى ضاع عند الشطوط تحت المطر..

الامل اللى عاش وسط الغابات من غير ملل..

اللى حاول يدبح الاحباط بس فشل..!

اللى جرب يكسر الايام بس اتهبل

والوقتى عايش جنب الحيط خايف ومن غير اى امل..

هو القدر بيعاند انسان شاف الويل

بيعاند عيون سهرانه ويا الليل..

مليانه جراح تسيل على خدود مليانه شوك وجراح

اه يا زمن عزبتنا وضيعتنا ورى وهم كبير سموه الحب

نفسى الاقى مره ياقلبى حبيب فرحان بيغنى من غير دمع..!!!!

بس ازى والدنيا الاسيه عايشه عشان تجرحنا وبس..

امتى الشمس تملى السما ضى وفرح..؟؟

امتى النجوم تتسابق فى السما ويا القمر..؟؟

وامتى يسهر الحب فى قلوب مليانه امل ..؟؟

وامتى تفرح قلوب عاشت جريحه مظلومه حزينه مقهوره

على حب ضاع منها من غير حتى ما تشوفه

وامتى يفرح قلبين حبوا بعض بجد

وحفروا اسامى الحب على الصخور تحت المطر

حبوا بعض ليل وسهر

شهد القمر على حبهم..


يا حماعه بدايه الموضوع بيحكى عن فهمنا الخاطىء دايما للامور
علشان بس بناخد بالظاهر ماحولناش نفسر الموضوع ذاته او قلب الموضوع وعصبه

ممكن بنحب نشوف الحقيقه زى ما هيا قدامنه ممكن علشان مانتصدمش بالحقيقه الحقيقيه علشان احنا فرحانين بيها كده

ولو هيا باينه قدمانه حزينه اصلا بردوا ما بنحاولش نوضحها عشان بيكون عندنا احباط اصلا وبنكون اتصدمنا بيها وخلاص
ما بنفكرش ان ممكن يكون فى حقيقه تانيه

علشان ماطولش عليكوا ...

لازم كلنا ندور ورى اى مشكله توجهنا حتى لو كانت النتيجه مؤلمه
بس الحقيقه المره احسن كتير من الحقيقه اللى ممكن نتصدم بيها فى اخر المشوار وبنلاقى كلام فى اخر المشوار بيقولنا(game over)

و




تاليف:جلاكسيانوا