أنا هحكيلكم حكاية بنت إسمها س
دى حكاية حب حلوة بين قلبين
قلبى أنا وقلب س
على فكرة هى من فلسطين
عرفتها حلم وحبتها علم
وكتبت وقولتلها يا س
كلمينى عنك وعن أيامك فى فلسطين
راح الجواب والرد جانى
جانى مضبوط على عنوانى
مكتوب عشانى

أنا إسمى س
فلسطينية بنت فلسطينى ابن فلسطين
مضى من عمرى واحد وعشرين
مش هكلمك عن سنين عمرى الماضين
لكن هكلمك عن يوم واحد من أيامنا فى فلسطين
كنت أنا لسة يادوب بفتح عنية
الفطار فوق الصينية ... أمى بتنادى أخويا يلا قوم
اليهود بدأوا الهجوم ...... أما يوم
قومنا من نومنا ... قعدنا نعد همومنا ... من زهقنا شقينا هدومنا
سلاحنا كان من حجارة
دوبنا فيه طعم المرارة كل المرارة
صدقنى يا حبيبى .... حالنا لين فى ادينا الحجارة
ويجى الليل وننام ... زى الفراخ زى الحمام .. بنام
ليلة باكيين .. وليلة مهمومين .. وليلة شالين الطين
فى فلسطين
مفيش كلام غير عن الشاب اللى لقيوه مقتول
مفيش كلام غير عن البنت اللى ضاعت م الأصول
مفيش كلام غير عن فلسطين
أقولك...... كفاية كدة وسلام
كتبته فلسطينية بنت فلسطينى ابن فلسطين
بتحبك وإسمهااااااااا س


قريت الجواب ورديت وقلت ياحبيبتى يا س
أنا بحبك حب معرفهوش قبلنا اتنين
حب ما عاشهوش العاشقين
وما يفرقناش غير المسافة من مصر لفلسطين
نفسى نعيش سوا مرتاحين
نتجوز ونعيش متهنيين
ونخلف ولد وبنتين .... ونسمى الاتنين س
راح الجواب والرد جانى
قريته جرالى ما جرالى
صرخت لعنت زماني
اتمنيت لو تاه الجواب عن عنوانى
صدقونى حرمت أحب تانى

الجواب كان عبارة عن مجموعةمن ورق الشجر الأخضر
مكتوب بخط غليظ باللون الأحمر ...... الكلام

شوف حصل إيه النهاردة ... كان صيام
أمى قامت رددت نفس الكلام
اليهود بدأوا الهجوم .. .. أما كان ساعتها يوم
الحيطان بتخر دم .. .. كلها يأس وندم
قمت بسرعة أفتح الشباك
إيه ده مين اللى متكتف هناك
أبويا........!!!
وأخويا جثة هامدة ع الرمال
وأمى بتجرى ومن وراها خمسة م الغيلان
وقفت صرخت إرجع يا جبان
لما شافونى جريوا ورايا .. وقعونى
حاولوا بغل يغتصبوني
دموعى غرقت هدومى
أمى وقفت صرخت إرجع يا جبان
ضربوا أمى بالرصاص قدام عيونى
إنداروا وضربوا أبويا .. وبعدها طعنونى
دلوقتى بكتبلك آخر وأغلى جواب
مع اليهود مايعيش أبدا الأحباب
إسمى مكتوب فى فلسطين على كل باب
مكتوب حكاية س
زى ما مكتوب آلاف الحكايات عن كل س
وقبل موتى بثوانى .. .. بحملك رسالة للعالم أجمعين
إنقذوا فلسطين .. .. إنقذوا فلسطين
كتبته فلسطينية بنت فلسطينى ابن فلسطين
بتحبك وإسمها المرحومة س