^^وصفة رهيبة للشعر^^

مراااااحب بناتنا الحلوات

عاد انتم خابرين الاستشوار وش يسوي.. والشامبو وعلته.. والصيغ وبلاويه..
عاد ما يحتاج أعدد لكم خراب شعورنا من وين
وأنا شخصيا كنت من اللي يعانون من خراب شعرهم
المهم جت وحدة ونصحتني بوصفة وقبل أكتبها لكم بقولكم ردة فعل الناس بدون مبالغة
بعد استخدامها بأسبوع ونص:
مرت من يمي وحدة وتقول شعرك متحسن ما شاء الله وش تسوين فيه؟؟؟
بعدها بساعة جات ثانية وناظرت قالت انتي مستشورة شعرك وطالع استشوارك حلو

بعد ثلاث أسابيع:
سلمت على واحدة وقالت شعرك صاير يهبل وش مسوية فيه يا بنت؟؟

بعد شهرين:
كنت مستشورة شعري.. وجت وحدة عندي وسألتني شعرك طبيعي؟؟؟
قلت ايه أجل باروكة؟؟
قالت لا بس نعومته خيالية
قلت لها استشوار حبيبتي
قالت معقولة شعرك استشوار؟؟؟؟؟ كنت أحسبه طبيعي ونعومته خيالية


المهم النتيجة شعرك بتحسينه لين وحلو وبتحبينه وبتدعين لي لكن سوي الوصفة صح
جيبوا زيت زيتون بطل الوزير كان تعرفونه وصبوه كله بقدر وخلوه عالنار يدفى لا يغلي انتبهوا بس يدفى شوي.. المهم وجيبوا شدة بقدونس لا تغسلونها ولا تسون فيها شي على حالها بس اقطعوا الجزء اللي فيه حبل وخذوا الشدة على حالها وحطوها بالقدر على زيت الزيتون.. وابدوا عاد بالملاس أو ملعقة كبيرة وحركوا البقدونس مع الزيت.. والنار هادية يا بنات وكل ما بدا يغلي وخريه شوي عن النار.. طبعا البقدونس راح يذبل ويصير صغير مرة وبتحسين ان كل مويته راحت بالزيت.. عاد اذا شفتي البقدونس صغر وتغير لونه وخلاص ما عاد فيه رجا طفي النار وخليه بالقدر مع الزيت لين يبرد شوي.. شوي مو تخلينه يصير بارد انتبهي.. طبعا المدة اللي بتاخذها العملية ربع ساعة.. <<<ركزي على كلمة عملية.. والمدة اللي بياخذها الزيت على ما تفك حرارته نص ساعة تقريبا.. عاد انتوا الحين بتكونون مجهزين الغرشة الجزاز اللي بتحطون فيها الزين.. أفضل غرشة تانج العصير كان تعرفونها.. المهم جيبي صفاية (مشخالة) وصفي البقدونس والزيت كله بالغرشة.. وحاولي بيدك تضغطين على بقايا البقدونس بالصفاية عشان يزل مويته وفوايده.. وبعدها سكري الغرشة وحطيها بالمكان اللي تبين..
ومبروك الوصفة بين يدك بس لا تستخدمينها على طول.. أفضل انك تتركينها أسبوع إلى عشر أيام.. وبعدها تبدين تستخدمينها من مرتين إلى مرة بالأسبوع وكل ما كثرتي بتشوفين النتايج أسرع.. وخليها على شعرك لمدة ما تقل عن خمس ساعات للشعر الطويل وثلاث ساعات للقصير.. <<تنام بالزيت.. وغسيله مرة سهل وبسرعة يطلع من الشعر ولا تظل له ريحة.. جربوا وعلموني بالنتيجة وادعوا لي لا تنسون..

منقول