تيجي نهرب من الحقيقة…

م الصور…

من خبر عاجل يخض…

تيجي لا نفهم ولا نعرف…

ولا نقدر نرد…

تيجي نتعلم سخافة…

بشويش كده…

وصنعة لطافة…

تبقي بياع الكنافة…

وأبقي بياع الكلام…

تيجي نتعلم ننام…

تيجي نتباع…

بكام…

تيجي نهرب م الأحلام…

وم الأمل…

نطلّع بطاقة بدون عمل…

ونأجر عجل…

نركب جمل…

نبقي يعني ف اللذاذة…

ولا تيجي…

يبقي ملناش عازة…

زي كل شيء جميل…

مستحيل…

دي هي كده…

وملهاش بديل…

تعشقها…

تيجي رجلك…

تسكن ف قلبك…

تيجي تهرب بجلدك…

تنجرح…

يوجعك قلبك بجد…

لا تقبل أي حاجة…

ولا تبقي أي حد…

تيجي…

على سلامة