صبرك علينا ياللي مـنا وياللي دمعتينا
صبرك علينا مهما رُحــنا جراحنا هتصحينا
لما اتخدعنا ... سكتت دموعنا
وعرفنا معنى كل شئ دمع عنينا
* * * *
قدرتي تنسي هوايا وإنتي بتجرحــي
قدرتي تقسي عليا وإنتي بتدبحــي
أنا بعت ليكي الدنيا .. وإنتي قسيتي عليا
ومعدش فيه حنية
في قلبي لعنيــه
* * * *
كنتي لمشاعري عشق روحي ومذهبي
وانتي في مشاعرك كنتي ياما بتكدبي
عشقي لهواكي نسيته .. دربك خلاص ضليته
سم الفراق دسيته
في قلبي وماضيــه
* * * *
كان سهل قلبي تبيعي عمره وتدبحيه
وتروحي برضه لغيري عاوزة تطمعيه
كل اللي فيكي وصفته .. في كتاب كبير قطعته
علشان معدش يهمه
قلبي تخونيـــه

* * * *
لو نن عينك باس ترابي ونام عليه
ثمنك رِخص في عنيا مهما تغلي فيه
ثمنك خلاص قدرته .. حبك خلاص بطّـلته
كان درس صعب فهمته
وأنا مش ناسيه

* * * *
لما اتخدعنا
سكتت دموعنا
وعرفنا معنى كل شئ دمع عنينا
صبرك علينا يللي منا وياللي دمعتينا
صبرك علينا مهما رُحنـا جراحنا هتصحينا
صبرك علينا