لمحبي الشعر النبطي
قصيدة ناقتي للشاعر الراائع ناصر الفراعنة
ألقاها في برنامج شاعر المليون

القصيدة بإلقائه المميز




القصيدة مكتوبة

ناقتي يـا ناقتـي .. لا ربـاع ولا سديـس.....وصليني لابيتي مـن ورى هـاك الطعـوس
حايل(ن) رابع سنه من خيار العيس عيـس....... خفهـا لا درهمـت كنـه بالنـار محسـوس
في دجى خالي خلا .. لا حسيس ولا نسيـس.........تدوخك من شدة البـرد طقطقـة الضـروس
في عيوني يكفخ الطيـر ويطيـح الفريـس...........وانتهض جساس من دون خالتـه البسـوس
وفي خفوقي فرخ جنية(ن) يضرس ضريس......يوم اوردها هجوس(ن) واصدرهـا هجـوس
ديرتي دار ابن ضاري وابن غثلـم جريـس........ديرة اللي دوجو فـي فيافـي نجـد جـوس
ديرتي يا بنت شيـخ(ن) ومعدنهـا نفيـس..........عيطموس(ن) دونهـا دثرتنـي عيطمـوس
جادل(ن) مطرق جسدها مع الغربـي يميـس.....طينة(ن) من تربه الخلـد والـدم محمـوس
نقشت خمس(ن) من الخمس في ليل الخميس....ليـت شعـري مـا ارادت بهـذا دختنـوس
كـم تمنـى امعـه مثلهـا فتنـه ابلـيـس...............كان يمكن قد قلـب نصـف امتنـا مجـوس
كن دماث الصدر منهـا كنيسـه او كنيـس........صومعة رهبان ديـن(ن) يـؤدون الطقـوس
آتقـوس مـع تقـوس نواهدهـا واقيـس...........قبتين(ن) قاب قوسين قوس(ن) جنب قـوس
خصرها يحكي لنـا واقـع القـوم التعيـس.........وردفها عن غطرسة بـوش يعطينـا دروس
من رغـم قصرهـا مـا يجالسهـا جليـس..........تصبح اطول نسوه الارض في وضع الجلوس
العروسه ماتبي غير ابـو تركـي عريـس.......العروسة نجـد ماهـي بحيـا الله عـروس
نجد بنت المجـد ونسـة مونسـة الونيـس........ما عسفها الا معزي ضحـى يـوم العبـوس
كل اهل نجد(ن) هلي من آجا حتى الخميـس.....في ذراهم بلتجـي عـن مقففـة الرسـوس
وعيشتي ما بين اسود(ن) ولا ماني رئيـس....خير من كوني رئيس(ن) على شلقه ت يـوس
وليس عيب ان خدعني بمكـره كـل هيـس.......لأن ما يفهم بطبـع الهيـوس الا الهيـوس
مصطفى فـي مأدبـه عمـه البابـا لويـس........كبر اللقمه تحت ضـوء حمـراء الكـؤوس
وطسم حدتها على حائـط المبكـى جديـس...... يوم شقت ثوبهـا بنـت عفـار الشمـوس
سيده هـاك القصـر اسمهـا الاول لميـس......دونها سمر الحناجـر بترهـا حـد مـوس
قسقست لأحرارهم قيس قيس قيـس قيـس.....والبستهم مـن مهانتهـم انـواع اللبـوس
بين خدعه كعب أخيل(ن) ومولـد ادوريـس.....درسونـا الالـه والمـدرس هـو مـروس
ويش لاقو من قناه السويس اهل السويـس....وويش لاقو من تلمسـان قـوم منسنـوس
كلهم من شـدة الجـوع راحـو خندريـس.........بين غيبوبه مخدر وصحوه عـرق سـوس
ثورة(ن) راحو سببهـا بتـوع الاوتوبيـس.........وش نبي فيها وهي ما تهـز الا الغـروس
آفه المرء اثنتان .. إلف كاس وحب كيـس..... والنفوس اليا بغيـت تعرفهـا ارم الفلـوس
ينكشف زيف الشعارات لا حمـي الوطيـس....... ترجع الاذناب اذناب وتبقى الرؤوس رؤوس
صدق لا قال العرب ما يحوص الا الخسيـس.......ولا يوطي الرؤوس شي مثل ضعف النفوس
ناقتـي يـا ناقتـي لا ربـاع ولا سديـس وصليني لابتي مـن ورى هـاك الطعـوس


شرح القصيدة في المرفقات