هو لسه فى حاجه اسمها الحب

ياعم سيبك بلا تعب وغلب

الحب دلوقتى متلقاهوش

وان لقيته بيكون مغشوش

ياعم متفتحش على نفسك فاتحه

المرحوم مات واخدناله الفاتحه

الحب راح من يوم ما اتغير

وحب الآيام دى بقى يحير

ولسه بتقول هو فينه

يرحم ايامه وسنينه

دانا مره زمان حبيت

قولت لكل الناس ولا خبيت

علشان كان حب نضيف شريف

طقسه ربيع مينفعش معاه خريف

انما دلوقتى الحب بقى تيك اواى

يبقى اسمه ايه ده وبتاع ايه

حتى الحب بقى بالموضه

شغل عيال فى الروضه

ولسه بتسميه حب انت تسميه مصيبه سوده