باختصار...أنا كنت محتار وحددت موقفى بفضل الله وثبت عليه
ونفسى تحددوا موقف انتو كمان

ماله عم اللى محدد ومثبت دة!!

:]هو الموضوع عن الشعر ولا ايه؟!!

بس ياد منك له ليها هو هيتكلم عن السحلب

الموضوع يا جماعة مش عن حاجة من اللى فاتت دى

الموضوع عن الحب عن الحب

عيزين نتكلم بصراحة شوية علشان نفوق من تشتيت المراهقة دة
سواء كنت او كنتى فى سن المراهقة او عديته ولسة بتعانى ف دى دعوة لتحديد المواقف

هل فعلا كل واحد لازم بيقابل نصه التانى ورفيق الروح وهو دة اللى مخلوق علشانه ومفيش غيره ينفعله وهيلاقيه ف يوم؟(فى ناس بتفكر كدا وماشية بتدور ف الوجوه والطباع عن روحها ونصها وكل الكلام دة لو انت منهم تعالا اتكلم معانا هنا ونشوف انت صح ولا ايه؟)

بلاش دى

هل انت او انتى مقفلها خالص على نفسك وبتعتبر الجنس التانى دة أعداءك هيبوظو حياتك ويضيعو مستقبلك؟
(لو كان دا موقفك تعالا هنا نتكلم بحيث تبقى بتعمل كل حاجة عن اقتناع وعن اختيار مش جبر ولا منظرة وادعاء)

هل انت بتؤمن بنظرية المؤامرة ف الحب وسايب المواضيع دى خوف وقلق منغص عليك حياتك بردو مكانك هنا )

ولا انت أو انتى مقضيها وعادى كل حاجة عندك عادى بتقضى وقت لطيف وماحدش واخد منها حاجة بردو تعالى قولنا بتعمل كدا ليه وازاى اديت لنفسك الحق تلعب بمشاعر الناس

أنا عرضت شوية اراء كدا

ونفسى بجد نتكلم فكل الجوانب ونوصل لموقف صح يريحنا

الموضوع دا

كان صراع عندى جوا نفسى ولما اخدت قرار بس بعد تعب حبيت اعرض الصراع عليكم ونحدد سوا

كنت باكتب ف قسم الشعر كل أحاسيسى بحرية وبصدق ودا مريحنى اوى وموصلنى لدرجة مصداقية كبيرة أوى مع نفسى ومع كل اللى حوليا ومريحنى ومحسسنى انى باعمل حاجة بس... ف نفس الوقت...كل اللى درسته ف الدين والاخلاق واللى اهلى ربونى عليه واقف قصادى محسسنى بالذنب والخجل من انى باعرض الحاجات دى ع الناس واثير بيها مشاعر اللى زيى اللى انا متأكد ان كتير منهم بيتأثر جدا بالكلام عن الحب والمشاعر وكدا...وادخل القسم الاسلامى اكتب الصح واللى اتعلمته وهو ان كل الحب والمشاعر دى صح ف حالة واحدة بس فى الجواز ومع الزوجة انما غير ركدا غلط بس فى مشاعر جوايا ما اقدرش اكتمها او انكرها او احجر عليه.....لحد ما ربنا كرم بحل وسط هنقوله ف الاخر

ونفسى بقى تكتبو ا انطباعتكم عن

الحب قبل الزواج

غلط صح وهم عيب حرام حلال تضييع وقت حاجة جميلة ............الخ مش مهم ايهه رايك المهم تكتبه او تكتبيه بصراحة وبصدق .........بغرض اننا ناخد موقف هيعدينا مرحلة كبيرة أوى ومهمة فتكوين شخصيتنا

وشكرااااااان...................]لا بقى عايز ردود كتيييييير وماحدش يرد يقول شكرا يرد يقول راى