ازيكم عامليييين ايييييييييييييية



معايا النهارده مواقف واقعيةمن حياتنا اليوميه وبصراحة ضايقتنى اوى فحبيت اشوف ارائكوا فيها


كل واحد صغيربيحب يشوف نفسه كبير ويكبر فى نفسه ويبى مبسوط انه قاعد مع ناس كبار


بس عشان توصل للمرحله دى اتبع الطرق الصح مش تعمل الطرق اللى هقول عليها دى ...


مثلا واحد عايز يبقى كبير بقا والعملية عدت معاه تلاقيه بيشرب سجاير من الاعدادية


طب هى السجاير يعنى هتعملك برستيج وهتخليك فى نظر الناس كبير < ابدا والله >


دى صحتك انت اللى باظت يا عم الكبير وفضلت زى مانت لا كبير ولا حاجه


واحد تانى عايز يعمل راجل يقوم يترسم على صاحبه قدام اى بنت ماشيه < ال يعنى علقها بمنظرته >


طب مانت كده بتخسر صحبك عشان حركه ملهاش لزمة


واحد تالت تلاقيه بيزعق ويشخط وينطر فى اهله فى البيت وعاملى فيها البيه الشركسى وانه كبر بقا


وهو كده مجرد واحد منشق واسلوبه غبى ومكبرش برضه وبمنظره ده ولا هينفع


واحد رابع تلاقيه دايما عامل مهم وعامل نفسه متضايق وحواجبه تمانيات عشان الناس تحترمه ويعمل شخصيه



والله المنظر ده بنضحك عليه كتير


احنا نعرف ان الكبير كبير بتصرفه .. كبير بعقله .. كبير باكتسابه لحب الناس


خليك كويس مع الناس ومع اهلك وبطل شغل الرسم ولعب العيال هتحس من نفسك انك مختلف


والناس بتستشيرك فى اى موقف وهما اللى هيكبروك بتصرفاتك معاهم


المواقف اللى فاتت دى منتشرة بغباوة فى الشارع المصرى وفيه اكتر منها واضل سبيل



مش هى دى الرجولة صدقونى