اولا السلام عليكم ورحمة الله وبركاته
اهلا وسهلا بكل النجعاويه
معلش يا جماعه الموضوع ده شاغل بالي جدا وقلت لازم اسمع فيه اراء اخواتي بس ياريت الرد يكون بصراحه مطلقه ومن غير كسوف ومن غير تجمل



كلامي لكل شاب وكل فتاه
ماذا ستفعل او تفعلي اذا اكتشفت بعد زواجك من احدي الفتيات او زواجك من احدي الشباب
ان هذه الفتاه او هذا الشاب مصاب او مصابه بمرض وليكن عقم مثلا " من غير مانقول الكشف قبل الجواز وكده علشان معظم الكلام ده محدش بيقوله من الدكاتره وانا شفت الحكايه دي بعيني لانهم مش بيكونوا راضيين يحرموا العروسين من بعض "
وان هذا الشاب غير قادر علي الانجاب او ان هذه الفتاه غير قادره علي الانجاب
وانك ستقضي باقي عمرك بدون ولد او بنت وستحرم من كلمة بابا او تحرمي من كلمة ماما
ماذا سيكون رد فعل وبكل صراحه
هل ستذهب لتبحث عن زوجه اخري او تبحثي عن زوج اخر
ام انك سترضي بما كتبه الله لك او ترضين بما قسمه الله لكي
ممكن حد يقول لي الحب هيمنعني اني اسيبه او اسيبها
بس للاسف حتي الحب بينهار في المواقف دي
لان دي حياه مش هزار و لا اعتقد ان فيه حد فينا يكره انه يكون اب او واحده فينا تكره انها تكون ام
احساس بجد جميل
فكر الف مره قبل ما تكتب الرد لان بجد الموضوع مهم جدا