السلام عليكم ورحمه الله وبركاته


ازيكم اعضائنا وعضواتنا الكرام
فكرت في موضوع كدا يارب يعجبكم ونلاقي فيه مشاركات كتير


المهم الموضووع هو ايه
كل واحد فينا في بيته او في شغله او في اي مكان متواجد فيه باستمرار
حب في يوم انه يعمل نفسه وااااد ايه قدام كل الموجودين


في مننا اللي في بيته قال ايه (انا اللي هعمل الاكل انهارده)


وفي اللي قال لما عرف ان فيه في البيت حاجه بايظه كهربه بئا نجاره سباكه
(خمس دقايق وتكون المشكله دي محلوله)


ولا اللي في شغله زميله عنده شغل بس للاسف
عنده ظروف ولازم يمشي ضروري يقوله(متحملش هم هات شغلك وخمس دقايق وانا اخلصه هتشغل بالك وانا موجود<<يااااااااااه على الفتاكه)


لغايه كدا كلام جميل وكلام معقول مقدرش اقول على حاجه<<ليلي مراد سابقا هههههه
كلام كله جدعنه وشهوميه و دي وقفات ولاد البلد صح


لكن نيجي للمشكله بئا
اللي قال او قالت ان هو اللي هيعمل الاكل انهارده مبيعرفش يعمل حاجه حب يتفذلك وبس
والاكل كله طلع بايظ وكان مصيره هاااااا يقلبي لا تحزن


ولا اللي عمل نفسه سبع صنايع والبخت ضايع وهو اصلا ملوش في كدا خالص
كانت اخر المصلحه اللي عملها على ايده في الزباله هههههههههه


واللي في الشغل دا رجع صحبه لقى المدير عمله خصم اسبوع كامل على شغله الاخير الزباله دا هههههههههههههه وطبعا كان الشغل دا عمايل ايد صحبه بهدله الدنيا
لانه مبيفهمش حاجه في شغله


رغيت كتييييييييييييييير وشكلكم لسه مش فهمني عايزه ايه [/img]


انا هحكي موقف عليا وانتوا هتفهموا انا عايزه ايه من الموضوع دا


في يوم ماما كالعاده داخله المطبخ وانا كنت قاعده قدام التلفزيون
ضميري قعد يقولي عيب كدا يا نهله قومي اعملي الاكل مكان مماتك
وفعلا اخدتني الشهامه ودخلت المطبخ
ماما روحي يا حببتي استريحي انا اللي هعمل الاكل
ماما اتخضيت نهله يا حببتي انتي تعبانه
قلتلها خالص يا ماما انا كويسه انا هعمل الاكل
فرحت ماما وقلتلي ربنا يخليكي يا حببتي
قالتلي طيب يا نهله انا عمله المحشي اهو على
التربيزه حطي عليه الشوربه وحطيه على النار
قلتلها بس كدا دي حاجه بسيطه جدا
راحت قالتلي بس خدي بالك في على التربيزه جنب المحشي حله فيها شوربه وحله فيها عسل(شربات او شيره يعني) بتاع الحلويات دا
قولتلها مااشي يا ماما متخفيش هو انا عبيطه للدرجه مش هتلخبط طبعا
هههههههههههههه
والحمد لله
عملت الاكل وجه المغرب ياذن كنا في رمضان هههههههههههههههه
وحطيت الاكل في الاطباق واقولهم شمين ريحه الاكل عامل الذاي
ميش اي حد اللي يعرف يطبخ
هههههههههههههههههههههههه
واول واحد جه يا كل كان اخويا اول ما المغرب قال الله اكبر راح على طول حاطط واحده ماحشي في بئه
وعلى اللي حصل بئا لقيت اخويا دخل الحمام وقعد يرجع ويدعي عليا هههههههههههه
جه بابا وماما بيشوفوا الاكل مالوا
طلع المحشي مسكر هههههههههههههه
زودت المحشي وهو نيئ بالعسل اللي بينحط على الحلويات مكان الشوربه هههههههههه
واترمي المحشي بس ايه نفدت من علقه مؤكده هههههههههههههههههههه


بس دا موقف ليا عملت فيها بت فنانه في الاكل وفي الاخر اترمى في الزباله
يالا بئا مش تتكسفوا كل واحد يدخل يحكلنا على موقف زي دا


مستنيه الردود
تحيااتي