عدنا من جديد :)

زي ما احنا متفقين (مش فاكر اتفقنا ولا لأ بس أدينا بنتفق تاني ) مش عايزين القسم بتاع جدد حياتك يكون مجرد مقالات والردود شكر وتشجيع وبس
عايزين كمان مشاركة وتفاعل بحيث نخرج بأقصى استفادة بإذن الله

اتكلمنا في مقال (هكذا تفعل الاعتقادات) عن أثر الاعتقاد على حياة الناس وتأثيرها الإيجابي والسلبي

التمرين بتاعنا المرة دي عايزين نفكر مع بعض بصوت عالي
ياترى ايه ممكن تكون المعتقدات السلبية اللي بتعوقني في دراستي (أو العمل لو كنت متخرج) ومحتاج أتخلص منها
وكمان ايه المعتقدات الإيجابية اللي أنا شايف إني محتاجها في دراستي عشان تساعدني بشكل أكبر

وعلى الهامش شاركنا بأي تجربة حصلتلك سواء في الدراسة أو خارج الدراسة بتتكلم عن تأثير المعتقدات وازاي تجربتك اتأثرت بالاعتقاد اللي كنت بتعتقده ساعتها