محسبتكوا عضوة جديدة في العيلة الغريبة دي ..أبوس ايديكوا اقبلوني والا هبقى مشردة
أصل أنا ايه بقى صحيت الفجر وصليت وقلت يارب افتح لي بالخير عشان اذاكر وقوم ايه الشيطان وزني وفتحت الكمبيوتر قلت اما اشوف حاجة تفرفشني
دخلت العيلة بالصدفة البحتة(وياريتني ماعملتها) لقيت نفسي لزقت ف الكرسي.. اني أقوم..أبدا
اشي نكت واشي (زغزغة) ......اتهريت
اتحولت وجالي كساح وقلت كفاية كده ......عيب بقى أقوم أذاكر لقيت الظهر بيأذن قمت صليت ورجعت الشيطان اشتغل تاااااني وبسم الله الرحمن الرحيم لقيت الوالده في وشي (وقعت طبعا) وسمعت محاضرة طبعا ملخصها انها تقريبا اتبرت مني
ولا هندسة(أصلي ف هندسة) ولا عيلة ولا نجعاوية كمان ....تبقى مصيبة
وقعدت أغني جئت لاأعلم من أين ولكني أتيت
الحقووووووووووووني قبل مااتشرد