حبيبى احلفلك وبربى

انك لسه عايش فى قلبى

مقدرتش الظروف تنسينى

مغيرتنيش بعدك سنينى

بالعكس ده زاد حنينى

عدا زمن طويل على بعدنا

والله لسه وأكنك هنا

لسه بقول اللى قولته يوم الفراق

هييجى اليوم وتقتلنى الاشواق

بعترفلك فى غيابك

انى نفسى اجى ادق بابك

بس بينا الف باب

وانى بموت من العذاب

بعترفلك انك احلى حاجه فى حياتى

مش بس احلى انا بعدك ضاعت حياتى

اه لو يوصلك كلامى وتسمعيه

مش هتلاقينى الانسان اللى زمان حبتيه

هتلاقى واحد قلبه بينزف بيموت

ياخساره حتى وان وصلك كلامه
مفتكرش هتلحقيه