واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

مرة الريس كان فى لقاء لشباب الجامعات
فسأل طالب : تحب تطلع أيه ؟
قاله: وزير يا فندم ..... ، الريس قاله : أنت عبيط يابنى ؟..
رد عليه الطالب : هو ده شرط

مرة واحد مـسـيـحى سـأل الريـس : هو يـنـفع مـسـيـحى يـبـقى ريـس ؟
قـالـه : ولا مسـلم يــاروح أمـك

مرة الريس نزل يتفقد البلد فدخل شارع ولقى مكتوب عليه"شارع الحمار" ....فإتضايق وبعت للسكرتير بتاعه وقال له : من بكره اسم الشارع ده يتغير ...مش ممكن مصر يبقى فيها شارع اسمه شارع الحمار
تانى يوم السكرتير بعت لكل الوزراء واتفقوا يسموا الشارع بإسم الريس
ونزل الريس يشوف الشارع لقى مكتوب عليه "شارع الريس(الحمار سابقا

واحد لقى المصباح السحرى ... ولسه هايدعكه لقى اتنين جايين يجروا عليه وقالوا له ان المصباح ده بتاعهم
فسأل الأول : انت مين؟؟؟....قال له : انا "علاء الدين" صاحب المصباح
وسأل التانى : وانت؟؟؟....قال له : وانا "علاء . . . . . " شريكه فى المصباح

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

مرة الريس حب يعرف الشعب بيحبه ولا لأ فإتنكر ونزل الشارع ودخل على قهوة بلدى فلقى القهوجى معلق صورة صغيرة لعبد الناصر وصورة صغيرة للسادات وصورة كبيرة للريس فسأله : انت معلق صورة عبد الناصر ليه؟؟؟؟؟
قال له : لأنه هو اللى قام بالثورة
فقال له : طيب ومعلق صورة السادات ليه؟؟؟؟؟
قال له : لأنه هو اللى انتصر فى اكتوبر
فقال له : طيب ومعلق صورة اخينا ليه؟؟؟؟؟
قال له : لأنه ابو شريكى فى القهوة

مع تحيات ابو اسكندر