هي:

خلاني معاه ف عوزه

لا" مارونج لاسيه" لا موزه

لا "تونيك" ولا حتى بوظه

و حرمني "الاستكوزا..

والشامبليون"


هو:

يرحم أمك وأبوكي

شحـّـاتين لما جابوكي

عرفوا بس يأكلوكي

لما التقى شغله أخوكي ...

ف مطعم "جرسون"


هي:

خدني من "دادي" وناسي

لا هدايا.. ولا ألماسي

وشبكني... بالنحاسي!!

عـيـّـشني معاه بآسي....

الندل الدون


هو:

منها لله عصبيه

ظالمه.. مش بس غبيه

منها الفـقـر اللي بيـّه

حتى.. بعت الجلابيه..

برضك مـديون


هي:

مش ناقص إلا هريدي

دا عايزني اعتبره سيدي

عايز... يعرف مواعيدي

أو... فين راح اكون


هو:

مش باسأل عنك غــــيرة

لو غـبتي باكون في حيرة

يا ترى الخارجه الأخيرة

واللا.. خاطفك وأسيرة

أعمى ياه مجنون


هي:
يا سبب نكدي و بلايا

طلقـني ..دا يوم هــنايا

دا القـانون والشـرع معايا

وان سجـنوك ..دا كل منايا

تبقى... رد سجون


هو:

روحي وانت طالقه منـّي

دا انتي تعلـّي أو تجـنـّي

والمؤخـر لو ساجنّي

بس انتي تحلـّي عنـّي

فانا ليه ممنون

أنا ليه ممنون

أنا ليه ممنون....





منقول

تحياتي
ابو اسكندر