اذا كنت تريدين قتل زوجك بالذبحه الصدريه او السكته الدماغيه فعليك بما يلي
شوفوا اللي مقهوره, واللي تبي تنتقم , واللي تبي ترفع ضغط زوجها تتبع خطوات هذي
،
،
،
هالخطوات والله يقويكم...........


*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟! انا اقولك .. شوفي اذا صار مبقق عيونه وماهو داري باللي حوله يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلك.. وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي ماني فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد.. واذا قال: ابعدي لا صنك على راسك بالكاس قولي ما اقدر بيجوني ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراك ..


*** عند النوم ***

لا صار الزوج يشخر.. نكدي عليه نومه وشلون؟! دخلي عليه باطفالك على اطفال جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله هاهاههههههههه
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نروح للسوق الحين الحين
والا وديني بيت اهلي...





*** مع الشله ***

هذي ما يبيلها جهد ولا تعب, اذا شفتيه جالس هو وأخوياه طلعي راسك من باب الشارع وقوليله فلااان أمي تبيك
بس انتبهي
لو يصلون عليك بنفس اليوم ترى مالي دخل ...




*** اذا المزاج صفر(( معكنن على الآخر)) ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب



المهم.. اضحكي على شكله والا على جلسته والا على لبسه .. هو بيقول ترى ماني رايق وأقلبي وجهك, انتي لا تسكتين قوليله واذا ما قلبت وجهي وش بيصير عاد هو بيقوم ويوريك وش بيصير مضبوط...
شطارتك
انتي في هالوقت اقبضي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
هههههههه
مع خالص تحياتي
وشكرا
منقوووووووووووووووول