حاولت ازيح حمل كان على قلبى

حاولت

حاولت احل قيودى

مالقيت حد واقف فى مره جنبى

محستش حتى نفسى بوجودى

حوالين رقبتى سلاسل حديد

منعانى ابص لقدام

وبترفض انى اكون سعيد

بتكره حتى انى انام

غلبت اصبر فى روحى

اطيب جروحى اعيش

حاولت

بس الدنيا مدتنيش

كنت ادور على الفرحه ملاقيش

كل يوم دموع وعذاب

وكل يوم احلم مليون حلم

واصحى من كل حلم على مفيش

امتى تفك روحى من جسمى

تخرج من حبسها وتقدر تتحرر

ولو يوم

مش هخسر وقتها غير اسمى

هيتحط قدامه بس لقب المرحوم