السلام عليكم
وكل عام وانتم بخير
حبيت انهارده اقول لكم بعض النصائح اللي ممكن يعني ممكن تفيدوكو
1_خطوط الاقلام الجاف علي الملابس
دي انا بارش عليها برفان او سبرتو ابيض وادعكها دعك خفففيييييييييف والبرفان لسه محطوط عليها حنلاقي الحبر ده بيسيح وممكن نكرر ده لحد ما الخط ده يروح خالص ...يعني رشه برفان ودعك خفيف وفي الاخر نغسلها
2-لوعندك كميات زياده من الارز او المكرونه او اي حاجه من الخزين من الافضل تحطيها في التلاجه عشان ماتبوظشي منك
3- ما تحطيش السمنه او الزبده في التلاجه لانها بتلقط روايح من التلاجه وكدا ممكن تغير معاكي طعم الاكل لما تطبخي بيها....من الافضل تحطيها في دولاب المطبخ
4-عشان تنظفي بوكيهات الورد الجاف والاشجار دي بتشيلي التراب من عليها الاول واسطه ريشه وبعدين تجيبي بخاخه فيها ماء وترشي كل البوكيه حته حته ..خلي بالك الميه اللي حتنزل مش حتكون نضيفه ..وبعد كده حطيه في البلكونه لحد ما ينشف
5-في اكياس شبك بتتباع عشان يتحط فيها اي قطع صغيره من الغسيل .حاولي يكون عندك واحد عشان تجمعي في القطع دي...ماتكسليش
انا غسالتي مره سحبت مفرش بلاستك صغير وطبعا سدلي خرطوم الصرف بتاعها ولما جت الصيانه اكتشفت ان السبب كا ن ده
6-اليومين دول فواتير شهر 12 نزلت بالنسبه للتليفون الارضي طبعا...وكل واحد طبعا في البيت مش هو اللي بيستعمل التليفون
عندي فكره ممكن تجربيها مش حتخسري حاجه انك تحطي حصاله جنب التليفون واي حد يتكلم لما يخلص يحط حتي ربع جنيه وانت طبعا زيهم
علي اخر ال3 شهور شوفي جمعتي كام؟؟حتي لو 50جنيه حلووووووووين اوي..اهي نوايه تسند شويه


ويارب تكونوا استفادتو