غزه

قتلوكى وقتلوا العزه

جرحوكى العرب واليهود

وصلوكى طريق مسدود

سابوكى تنزفى لوحدك فى الطريق

ممدوش ايد تنقز الغريق

قادوا فيكى الحريق

سبناكى مخنوقه وسط الحصار

وابتلينا بالزل والهوان و بالعار

عار هيفضل موجود طول السنين

محفور فوق الجبين

مهما مرت الايام هيفضل ملازمنا

هتفضل صوره قتل الاطفال فى منامنا


هتفضلى كابوس بنشوفه واحنا صاحيين


وهنفضل بالعار طول ما احنا عايشين