بسم الله الرحمن الرحيم

لو انت خارج يا باشا هتعمل اية ودة بيعتمد على حسب انت رايح فين او انت بتحب تلبس اية

لو انت رايح تسهر انت وصحابك
____________________________

1 ) ما تلبسش الحتة الجديدة علشان ما يفتكروكش بتمنظر عليهم

2 ) يفضل انك ما تحطش برفان جامد و خصوصا لو كان معاكوا عربية وانت 9 في عربية صغيرة

3 ) لو انت بتحب الكلاسيك فا ممكن تلبس بنطلون اسود وجاكت بدلة مع تي شيرت افتح من لون البدلة يعني لو سودا البس تي شيرت ابيض

4 ) لو فكرت تحط جيل ما تحطش الجيل بتاع العلبة بجنية انصحك انك تشتري انواع مضمونة زي بالمرز او هيركود او اكتف مان

5 ) ما تلبسش الهدوم العجيبة ذي التي شيرت اللي مرسوم علية حمير وقطط وسحالف

لو رايح حتة نضيفة
______________

1 ) من حقك انك تلبس الحتة اللي على الحبل

2 ) لو هتلبس بدلة يا تلبسها كاملة يا ما تلبسهاش خالص

3 ) ما تحطش جيل حط كريم و من نفس الانواع اللى قولنا عليها

4 ) حط البرفان اللي انت عايزة بس بشرط يكون مشهور و نضيف و مش بيخلى اي حد يكح

5 ) لو لابس بدلة تلبس جزمة اغمق من البنطلون

6 ) لو لابس كجول تلبس كوتشي بس يكون لون البنطلون او اقرب منه

لو رايح شغلك او المدرسة
______________________

1 ) لو مديرك في الشغل او المدرسة عادى جدا الحياة في عينة بمبى روح باللي انت عاوزة

2 ) لو مديرك في الشغل او المدرسة وشة زي وش الرجل الاخضر يبقى ما تروحش باللي انت عاوزة روح باللي هوه عاوزة

3 ) لو مديرك من النوع الاول يبقى ابسط ياعم روح و انت مبسوط وحط اللي انت عاوزه على شعرك مش هيعملك حاجة

4 ) لو مديرك من النوع التاني يبقى هما حبة مية وضربة مشط وسرحة مية مية لانك لو حطيط اي حاجة و اتنرفز منك هيجي يشدك من شعرك ادية

هتزحلق و هيرفدك فا ما تجيبش لنفسك الاذية

5 )لو مديرك من النوع الاول تبقى تحط البرفان اللي انت عاوزة و يا ريت لو يكون غالى علشان يعرف انك ابن ناس ويرقيك بسرعة

6 )لو مديرك من النوع التاني حط اي حاجة هوا بيحطها حتى لو بيحط جاز حط يا عم انته مستغنى عن عمرك

خلاص هوب انتهى ولنا تكملة بس لما اخلص امتحانات الشهر

/scenic /scenic /scenic /scenic /scenic /scenic /scenic /scenic