اّاّاّاّاّاّاّه يافلسطين



امته الربيع ح يهل

ويجمع العاشقين

تعشق ورود الفل

اجمل زهور ياسمين

وعطر الريحان الدافى

ينشر عبيره حنين

يدخل كهوف الياس

ويفك حلم سجين


لما الربيع راح ييجى

ح أشبك هواه فى نسيجى

وارجع سنين وسنين

اختار زمان على كيفى

شايل كرامتى ف سيفى

رافض اكون مسكين

رافض اعيش فى الذل

وسط السكات م الكل

ودموع المهزومين

ح أختار زمن حطين

ح أكون انا الحارس

ح أكون انا الفارس

فى جيوش صلاح الدين

اّاّه والف اّاّه

منكم يامسلمين

فاكرين زمن خيبر

ولا احنا مش فاكرين..؟

نسينا الله اكبر

ونسينا احنا مين

كنا اعز امه

بقينــا مذلولين

ّاّاّه والف اّاّه

عليكى يافلسطين