كنت ماشي فى حالى وسمعت صوت اتاريها مصر بتسالنى !

يا اللى انت من اهلى

بصتلها ورديت !!! نعم يا مصر

قالتلى عاملة ايه مصر وازيها ؟

ازاى ناسها واهلها ؟

لسة زى زمان؟

قلت فى نفسى ارد واقول ايه !!!!

اكدب عليها ولا اقولها على احنا فيه

قولتلها زمان دة وقت مر وكان

خلاص معتش طيبة ولا حنان

بقينا ماشين بسياسة وانا مالى

خلينى فى حالى

فى بيتى ولعيالى

اهلك بقوا بينهشوا فى لحم بعض

ارضك صبحت غابة ما بقتش ارض

ادام فى خد لازم في هات

ما ينفعش خد بس ومن سكات

وشبابك مدمنين خمرة وحشيش ومخدرات

وانتى بتقويلى زمان

زمان ايام الجدود !

اما كانت الطيبة ما لهاش حدود

اما كنا عايشين فى نفس البيت

مفيش بينا سد ولا حيط

كلامى بكاها وبكيت انا معاها

وقبل ما امشى

قالتلي ياريتك ما حكيت

لا كنت بكتنى ولا بكيت.