اشجبوا يا عرب


واصرخوا وسط الميدان

لا ولا ولا ااااااااااااا كمان

و اقعدوا تحت الحيطان

و الدماغ فوق الايدين

ابلعوا ضعف السنين

و اما يرمولكم جنين

من بطون المبقورين

اشأطوه بالامتعاض

و التزرزر و اعتراض

واصرخوا فيهم حرام

انطقوا تانى كلام

زى ما اعتدتم انين

وارجعوا اخر النهار

بعد ما يبات اصفرار

ووش ايامنا الحزين

اقعدوا ع الدفايات

روسكوا فى وسط الشاشات

هربانين من عز مات

باصطناع اعذار تهين

اما عن حق الردود

فاسكتوا سكتة جمود

اشطبوا كلمة بارود

من قاموس الطيبين


اشجبوا