طبعا الموضوع ده بمناسبة الماتش اللى كان بين الاسماعيلى و الاهلى

و بصراحة بعد الكلام الجميل اللى اتقال قبل الماتش من الفريقين قولنا الناس فى الماتش هيبقوا لاول مرة محترمين و قاعدين مؤدبين
لكن طبعا ده ماحصلش

اللمهم ان ساعة ما الناس كلها كانوا بيتفرجوا على الماتش
و الجماهير بتضرب فى بعض و بيكسروا فى البلد
كان االاجتياح البرى فى غزة شغال
و الاطفال بيتقتلوا و الكهربا كانت مقطوعة و المستشفيات شغالة على الموللدات اللى ممكن فى اى لحظة تبوظ

و طبعا الناس اللى كل يوم بيلعوا مظاهرات و بيشتموا فى الحكومة عشان ما بتعملش حاجة لغزة كانوا ساعتها بيفكروا ازاى يعوروا اكبر عدد من الفريق التانى

و فيه ناس شافت ان خبر اجتياح غزة مش مهم زى الماتش
و ناس ما تعرفش ان فيه اجتياح اصلا
و ممكن تلاقى واحد بيقرا الموضوع و بيقول اجتياح برى؟؟؟ امتى ده حصل؟

و طبعا ده بيبين ان المظاهرات و الخناقات اللى بتحصل وقت الجد
معلش وقت اللعب بتتنسى

امال لو دخلوا حرب و شافوا الدم بينزل و اشلاء هنا و هناك هيعملوا ايه؟

و اسيبلك الاجابة تفكر فيها