انا اللى خسرت حبيبى ولا هو اللى خسرنى
انا اللى جرحت قلبه ولا هو اللى كسرنى


الوم عليه ولا عليا مين فينا سبب البعاد
قدرنا دا ومكتوبنا ولا ده تحدى وعناد

كان ممكن نفضل ونكمل لو كل واحد فينا اتنازل عن شويه حاجات


فيها ايه لو كنت سمعته واتمسكت ورجعته
كرامتى كانت هتنقص ايه؟

خدت ايه انا من العناد غير فرقه ووجع البعاد
وادينى ندمانه عليه




هو كمان عناده هد كل شىء موت قلبى وروحى ادامه بالبطىء
بعد عنى بدل ما يمد ليا اديه

يمكن لو كان استنى وعاتبى مبعدش بسهوله وسابنى
انا كنت رجعت ليه



احنا الاتنين خاينين واحنا الاتنين بايعين
والحب بينا ضاع

بدل ما نتمسك بيه بسهوله ضحينا ليه
والاسهل كان الوداع