العرب اتفقوا على قمة عربية طارئة .... يوم الجمعة الجاية!!!! شوف الطوارئ يا جدع، شوف النجدة التي اشتهر بها العرب، شوف السرعة في الاغاثة

لا واية مصر والسعودية ترفض حضور القمة يعني لو حضرو هيعملو حاجة .بلا قمة بلا قرف والله الواحد بقي مكسوف من الحكام دول وبقي مكسوف

انة بينتمي لأمة العرب يا ريت الواحد كان فنزويلي ولا هندي . ولا نواب الشعب اللي المفروض يمثلو الشعب كل اللي قدرة علية دعوا لوقفة

والله انا مكسوف وانا بابلغكوا ان بعض نواب مجلس الشعب دعوا لوقفة احتجاجية بكرة الساعة اتناشر قدام مجلس الشعب وقال ايه ح تمشي من

مجلس الشعب لقصر عابدين وانا وانتوا عارفين انها ح تخلص على سلم النقابة

على اي حال اهو برضه نعمل اي منظر، يمكن، جايز

ومكسوف وانا باطالب الحكومة انها تبقى على الحياد

ايوة يا حكومتي يا مصرية

يا حكومة جمهورية مصر العربية

انا مش طالب منكوا غير الوقوف على الحياد في الصراع العربي الاسرائيلي

اتعاملوا مع قضية فلسطين زي ما زيمبابوي بتتعامل معاها

مالناش دعوة بس

هو ده المطلب، مش اكتر من كده،

لكن ما تتدخلوش لصالح اسرائيل ارجوكوا،

انا مش عارف اعمل ايه؟ ولا اقول ايه؟

مش لدرجة التضامن مع اسرائيل ضد حماس

لو جبننا مش مخلينا نقف معاهم منكنش ضدهم

...يعني مش عايزين مننا حاجة

بس نحل عنهم.

يا ترى حد يعرف ليه ..؟!!

حوالي ألف شهيد فلسطيني وخمسة آلاف جريح ...!!

هو الفورة من كام بالنسبة لحسني وعبد الله ..؟!

واللي زيهم من الحكام العرب ..؟!