انا و ابويا بينا معارك و سواطير و رصاص حى

و اخدت خبره محترمه لو فى اى بلد بره كنت اشتغلت بكام الف فى الشهر عشان الخبره دى

انما انا بحبه و الله


المهم شوف اهم الكلام بتاع الابهات و ازاى تعرف ترد عليه

1
كنت فين لحد دلوقتى ؟؟

ابعد تماما عن حوار صاحبى خبطته عربيه و كنت معاه فى المستشفى

اصل الى اكتشفته ان واحد صاحبى قاله لابوه راح ابوه قاله

هو الحوار ده لسه منقرضش ده انا كنت بقوله لجدك

الاحسن انك تبان فى شكل الطالب الدحيح و قوله لا ابدا ده محاضره اتاجلت

او حضرت محاضره لمجموعه تانيه

و ارسم على وشك ابتسامه ملائكيه

2

انت مش بتزاكر ليه ؟؟

بلاش حوار خلصت مزاكره عشان هيقولولك المزاكره مبتخلصش او زاكر تانى

الاحسن تقول باستهتار كده

مزاكره ايه ؟؟ ده كلام كله اهبل مش محتاج منى حاجه

بس الازمه لو ابوك راح سالك از جاب الكتاب او الملزمه

و انت معرفتش ترد


3
و انا فى سنك .........

طبعا وراها قصه كفاح و اهم حاجه اوعى تبين الاستهتار احسن يتضايق منك و يقفش فى الفلوس

ارسم على وشك ابتسامه انبهار - بس متوسعش بوقك اوى احسن يفتكرك بتتريق او يقولك اغسل سنانك - و قله يا ريتى كنت زيك

بس استعد وراها لمحاضره عن الثقه فى النفس


4
انت بتودى الفلوس فين ؟؟

هو كل يوم فلوس ؟؟

الجمل دى كلنا بنسمعاها و بلاش نصيع و نقول لا

و احلى رد قوله ماهى المحاضرات و الدروس الى بشتريها و الملازم و كمان بتكسف اطلب منك فلوس تانى

5
روح مشوار فى ..........

ااااااااااااكتر جمله بكرها فى كل الجمل دى

لانها دايما معناها على الاقل تدبيسه 3س اعات و فى عز الشمس لو الصيف

و عز البرد لو شتا

و مع الاسف ملهاش حلول او استدراك خصوصا مع ابويا انا

كلمه كالسيف

6
ايه الى انت مهببه فى نفسك ده

يا ابنى البوكسر باين

ايه القرف الى انت حاطه فى شعرك ده

بص نصيحه الحل الامثل هو انك تسيبه يتكلم و يرغى

و انت ساكت خااااااااااااااالص

و لما يخلص انزل و سيبك منه












































لو اي حد باباه طرده ما يقوليش اجى ابات معاك لانى مطرود