بسم الله الرحمن الرحيم

بتبدأ الحكاية لما حضرتك تحس بشوية تعب وتقرر تنزل للدكتور

خلاص انت فعلا روحت وكشفت والراجل ابتدى يشخص المرض وبيحاول يشرحلك وانت مش فااااااااهم اى حاجة

بعدين يقوم مطلع ورقة وكاتب فيها شوية شخبطة ويقولك دا مرتين ودا تلاتة والعك دا اسمو الروشتة :]

تنزل حضرتك لاقرب صيدلية وتقوم دافع ف شوية الشخبطة دى مبلغ وقدرررررررررررره

بسسسسسسسسسس... لغاية هنا كل دا احنا عارفينه فين بقى الجديد ؟؟؟؟؟؟؟؟

الجديد ان حضرتك داخل ف لعبة ممكن تسميها نصباية شيك ايوة النصب دلوقتى اتطور وبقى حاجة عظيمة اوى

فين النصب دكتور وكشف عليك وكتبلك علاج وروحت صرفته


نرجع م البداية ...... دلوقتى كل مرض له كذا دوا ف السوق هنفرض الصداع ما انت عندك من اول الريفو ابو شلن
لحد ادوية تانية ممكن توصل 30 جنيه او اكتر كمان ...... ايه بقى اللى بيخلى الدكتور يكتب ده دونا عن الباقيين؟ /wik

هقولكم ان كل دوا له شركة مصنعة واللى مسؤلة عن تسويقه والتسويق دا بيتم من خلال مندوب دعاية للشركة دى
يروح حضرته للدكتور يبتدى يكلمه عن الدوا عن مميزاته والخ الخ ..... طبعا الكلام دا كلو ميهمش الدكتور هات المفيد


يبتدى المندوب يقدم هدايا للدكتور ف الاول كانت الاقلام والاجندات والساعات بتجيب نتيجة هايلة والدكتور بيفرح بيها
ويقوم كاتب الدوا علطول ....... لكن دلوقتى الهدايا اتطورت واحتياجات كل دكتور بتختلف عن التانى

مثلا فى واحد يطلب عربية واحد تانى اسبوع ف مارينا غيره رحلة لامريكا واحد تانى يعوز حاجات تانية خالص :]
ما علينا المهم بعد ما الدكتور اخد المعلوم وكله تمام لازم بقى يدفع حق المعلوم
يقوم لما تروحله حضرتك يكتبك دوا الشركة دى دونا عن الباقيين


وهكذا الشركة اللى تدفع اكتر يكتبلها دواها اكتر بل وف بعض الاحيان ممكن يكتبلها الدوا لاى عيان ودا لو الشركة
كانت جامدة اوى


الخلاااااااصة يا حضرات .... الدوا اللى بيكتبلك وتروح تصرفه مش لازم يكون هو الاحسن من حيث الفاعلية
والسعر وكدا الاهممممممم انه يكون الاحسن من ناحية الرشوة المقدمة


ودا لان زمان لما كنا نروح نصرف الدوا والصيدلى يقول انه مش موجود انا فاكرة كانت امى تزعل وتقوله طب دور
كويس او تروح لصيدلية تانية والله علشان تجيب الدوا دا كأننا لو مجبناش الروشتة دى بالذات هنموت
ودا اللى خلى الدكاترة يعملو اللى بيعلموه دا وهم مطمنين اننا مش فاهمين حاجة

وعايزة اقولكم ان الصيدلى ساعات كتير بيكون واخد معلوم هو كمان ....... اى والله
يعنى المندوب اياه يروحله ويديله اللى فيه النصيب علشان يطلع الدوا بتاعه وميطلعش الدوا المنافس

مش بقولكم نصباية واحنا لما نروح نجيب الدوا بتاع الروشتة مش بنبقى عارفين ان فى بدائل احسن
او ان فى حاجات ف الروشتة مش مهمة اصلااااااااا وتتسرق ولا انت حاسس بحاجة

طبعا للامانة مش كل الدكاترة كدا ومش كل المندوبين ولا الصيادلة اكيد لسه فى ناس عندها ضمير
بس لحين اما نكتشفهم اعرفو المعلومات دى


أكيد كلكم شوفتو الحاجات دى بتحصل عايزاكم تحكو عن الروشتات وبلاويها وبتدفعو كام تقريبا
ف الروشتة ؟ ولو حد فيكم عنده معلومة برضو ياريت يضيفها