بسم الله الرحمن الرحيم

السلام عليكم ورحمة الله وبركاته

بقالى كتير مقترحتش حاجة قولت اجى اقول اقتراحين تلاتة كدا :]

اولا : ليه منبعتش لاى عضو جديد رسالة خاصة نكتب فيها كل العوايد والتجاليد واننا بنمنع الاغانى
وصور البنات وبنحذف المتكرر واللى مش منسق وكل اللى احنا ماشيين عليه ف النجع هنا
انا مش عارفة تنفع الحكاية دى تكون تلقائى ولا لاء بس انا شوفتها فعلا فى منتديات تانية
وبجد هتوفر علينا كلام كتير وشرح لكل عضو بعد ما بيدخل ركن الشكاوى زعلان


ثانيا : ليه منعملش ركن جديد يكون للحملات بس .... يعنى دلوقتى النجع عامل حملة ضد العادة السرية
طيب ليه منخليش الحكاية مستمرة يعنى نعمل ركن وانا بقترح يكون اسمو ايدى ف ايدك
ونعمل كل 50 يوم حملة جديدة وافتكر فى سلبيات تكفى الركن 10 سنين قدام :to2to2:


ثالثا: مش عارفة ليه فى اعتراض ان بعض الاعضاء يغيرو اسمهم طب انا بقول ليه منخليش
موضوع التغيير دا زى حافز .... يعنى مثلا نعمل مسابقة ننشط بيها الاركان وتكون الجايزة فرصة تغيير الاسم
دا لو العضو عايز يعنى وانا مثلا نفسى اغير مش عشان الاسم وحش بس من باب التغيير


كدا انا خلصت اقتراحات فى كام استفسار بس /wik

الركن بتاع الوكسة العربية دا للسياسة ولا لايه بالظبط لانى شايفة القضايا والحوارات مليان مواضيع سياسية
ف وسط المواضيع التانية فلو هو للسياسة ومواضيعها اكتبو عليه يا جماعة عشان الناس متتهوش

كمان المواضيع التاريخية ف الموسوعة مع المواضيع العامة
امال احنا عملنا الركن بتاع الشخصيات التاريخية ليه ياريت تشوفو الحكاية دى
وتقولو لاسامة لانه عامل اكتر من موضوع بالشكل دا

بسسسسسسسس كدا
والسلام عليكم