بعد ما كتبت الموضوعين السابقيين بعنوان
" حدث فى مصر حمير كلاب وأختام مزورة "
" معقولة .. هى دى مصر "

عايز اقدم اعتذارى للحكومة عارفين على ايه
احنا بجد لازم نتغير بعيد عن الحكومة مدام الحكومة مش راضية عننا " رغم انه المفروض العكس " ونبدا نتحرك ونشتغل ونبقى شباب بجد الشباب الى بيفيد بلده وبعد كده نشوف اذا كانت الحكومه معانا ولا لا مش واحنى قعدين نقول نعمل اضراب بكره الكلام ده مينفعش وحاول تبص حواليك هتلاقى فى حاجات كتير اتغيرت بالاخص فى الموارد مثل السياحه و ال.....و................. علشان بلدنا عمرها معتمدت على الانتاج ولا حتى الزراعه احنا اصلا العيب فينا مش فى الحكومه


أسف يا حكومة إحنا على رأى أحمد فؤاد نجم شعب فقرى واحب افكركم بقصيدة ده شعب فقرى مع احترامى الكامل لكل طبقات وطوائف الشعب المصرى المحترم بس فقرى عشان ................ انتو فاهمين وانا فاهم وهى فاهمة " الحكومة "


ده شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار) حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
كلمات احمد فواد نجم