جايبلكم النهارده طريقه عمل
شــ ـمـ ـــــو ع
نقدر نزين بيها البيت ومش هتكلفنا خالص وهنعملها بايدينا
ويارب تعجبكم


كل اللي هنحتاج إليه:

• حلة كبيرة وحلة تانية أصغر منها وده علشان نعمل حمام ميه ساخن للشموع.
• شموع قديمة ملونة أو بيضاء.
• فازلين.
• فورمات جاهزة لتشكيل الشمع

الطريقه

1. أول حاجة هنعملها هي إننا هنذوب الشموع القديمة اللي عندنا في حمام ميه سخنة وده عن طريق إننا نحط في الحلة الكبيرة الميه ونحطها على النار علشان الميه تسخن وبعد كده نحط الحلة الصغيرة في الحلة الكبيرة ونحط فيها الشمع ونغلي الميه لغاية ما الشمع يذوب تماما.

2. هنجيب فورمات جاهزة لتشكيل الشمع وندهنها بالفازلين وده علشان يكون سهل علينا إننا نخرج الشمع المشكل منها...بعد كده هنثبت الفتيل أو الدوبارة عن طريق ربط الفتيل في قلم رصاص ونضع القلم الرصاص على سطح الفورمة اللي هنحط فيها الشمع وبعد كده نصب الشمع وناخد بالنا إن الفتيل يكون نازل في داخل الفورمة دي.

3. هنسيب الشمع لغاية ما يبرد نهائي وبعد كده نخرجه

بكده بقى عندنا مجموعة من الشموع الجميلة اللي احنا عاملينها بإيدينا وعلى فكرة احنا لينا حرية الاختيار في عمل أي حجم للشموع احنا عايزينه فمثلا ممكن نعمل نفس الفكرة السابقة ونصب الشموع فورمة صغيرة صغيرة على شكل قلوب أو ممكن نعملها بحجم الشمعة العادية أو ممكن نعملها كبيرة..

على فكرة ممكن نزين الشموع دي بأي شكل احنا عايزينه

شــمـــ بـاشكـال جديده ــــــــوع

شمعة عريضة ملفوف عليها كارتون ملون مقصوص على
شكل قلب بالإضافة إلى بعض من حبات اللولي اللي احنا
بنركبها بالخيط على الكارتون وبعد كده بنلزقهم على
الشمعة


مجموعة من الشموع العريضة ملزوق عليها أوراق الأشجار


مجموعة من الشموع العريضة منثور عليها مادة ملمعة يأي شكل احنا عايزينه


كمان ممكن نحط الشموع في كاسات شفافة أو كوبايات شفافة


كمان ممكن نعمل الشموع دي ونحطها على حامل فيرفورجيه"حديد"



مـ ـنـ ـقـ ـــــ ـــول