[color=purple]اكيد دة حلم اى بنت لسة خارجة من ايم بهدلة الثانوية
اكيد نفسها تعيش حياتها،نفسها بجد تفرح،نفسها تبقى بنوتة ستايل وتعيش انوثتها،نفسها اكيد برده تقابل فارس احلامها /girl-in-love،ودة كله طبيعى لاى بنت فى سنها جواها طاقة كبيرة اوى،،،حيوية وشباب ونشاط وعاطفة وحب ...اكيد عايزة تعيش بيهم ايام الجامعة اللى متتعوضش.......

[size=10pt]لكن يا ترى عيشة الفراغ وقعدات الجناين و شلل الشباب والبنات هى طريق راحة بالها وسعادتها!!!!!!

يا ترى لو قضت سنين الكلية ما بين المكياج والخروجات وقعدات الاصحاب،تبقى خرجت من الجامعة وهى راضية ومبسوطة!!!!!!

ياترى لو عاشت من غير طموح ومن غير هدف،من غير ما يبقى نفسها تذوق طعم نجاح هتقدر تمشى معتزة بنفسها رافعة راسها!!!!!!

حبيبتى انا حاسة بكل اللى انتى نفسك فيه ومريت بنفس احلامك وعملت اللى انتى عايزة تعمليه لكن من جوايا مكنتش مبسوطة ..مكنتش بضحك من قلبى...مكانش بالى مرتاح...مكنتش واثقة من نفسى كنت دايما حاسة انى بدور على حاجة بس مش لاقياها...حاسة ان فيه حاجة غلط

وفى وسط كل دة كنت بلاقى بنات زمايلى صمموا يكملوا مشوار كفاحهم
حاولوا فى الثانوى وفى منهم حقق حلمه وفى منهم محققش...لكن يصمموا يكملوا ،،،مكانش حلم اوائل الدفعة بعيد عن بالهم ولا حلم التعيين فى الجامعة غايب عن تفكيرهم ...مسمعوش كلام اللى قال امتياز دة مستحيل..يارب مقبول ونعدى!!!

قلت لنفسى انا هتعقد كمان فى الكلية ؟؟؟؟ امال هعيش حياتى امتى؟؟
فؤجت ان عندهم برده خروجاتهم وفسحهم وفرحتهم
قلت لنفسى الدراسة مش كل حاجة وحتى لو مكانش ليا مستقبل فى دراستى ادينى هتجوز ومش هصرف على نفسى!!

بصيت لقيت فى عيونهم امل عجيب وعلى وجوههم راحة البال اللى بحلم بيها،، ماشيين ما بين ثقة وسعادة وحب وأمل،،،بصيت لقيتهم عالخير دايما متجمعين وبحب ربنا دايما ملمومين...حاسين ان ليهم قيمة...بالبلدى كدة ناس ليها لزمة فى الدنيا....

تلاقيهم فى حلقة قرآن بتحوطهم الملايكة او فى دار ايتام وربنا بينظر ليهم نظرة رحمة :)

لما لقيت بجد السعادة فى عيونهم والحب الحقيقى اللى مجمعهم..حسيت بالفرق بين حالى وحالهم احنا الاتنين بنتين دخلنا الجامعة فى وقت واحد و فى ظروف واحدة وبمشاعر واحدة وبحلم واحد

لكنواحدة فينا عرفت ازاى توص لسعادة قلبها الحقيقة،،عرفت تمشى الطريق صح،وفضلت ماشية فى الطريق وقلبها موصول بخالقها،متلاقيهاش فى مكان ربنا مش راض عنه ولا تلاقيها بتعمل اعمال ببنا نهى عنها...وفى نفس الوقت كل حياتها طموح وامل الدنيا واخره،كل حياتها حب وخير بتحطه فى محله،،فبقت ماشية مبسوطة طايرة ع الارض من فرحتها

وواحدة تانية فضلت تايهة تخبط يمين وشمال،بتدور ع السعادة من ابواب تقطع صلتها بخالقها وتموت فى قلبها كل احساس بسعادة او راحة..

مش هكدب عليكى..فى الاول فعلا بتحسى انك مبسوطة مع الشلة والنادى لان دى وظيفة ابليس انه يوريكى الحام جميل والحلال خنيق..

لكن بعد فترة هتلاقى قلبك اتخنق من كتر الحرام لان الانسان جسم وروح ولما بتسمع الاغانى ولا تقعدى مع فلان فى النادى انتى كدة بترضى الجسم لكن الروح ملهاش غير غذاء واحد هو طاعة الله ...والله هتيجى بعد فترة تحسى انك مخنوقة رغم ان هيبقى عندك شلة تحفة وشاب طول النهار مغرقك بكلام الحب وعربية الاغانى فيها على اعلى صوت بس هتلاقى نفسك زهقتى...

والله بنصحك ومن قلبى لانى خايفة عليكى ومش عوزاكى تغلطى غلطتى....

حبيبتى ابدئى صح واعرفى انك بدخولك بوابة الجامعة انتى قدام طريقين،وقدامك الخيار،،
لكن ياترى هتبعدى...ياترى هتخلى اللى انتى عايزاه فوق اللى ربنا عايزه منك،،،،،،
احنا بجد من غير عون ربنا لينا ولا حاجة نسوى اية؟؟احنا اللى مش مالكين حتى انفاسنا،مش عارفين لو نمنا انهردة هنصحى تانى ولا م هنصحى؟! مش عارفين لو خرجنا من بيتنا راجعين ولا مش راجعين؟!
مبنلاقيش حد جنبنا فى اى ازمة غيره ولما ينجينا منها ننساه؟! :to2to2:

ربنا يعينك ويثبتك وييسرلك ..اوعى تقطعى قلبك عنه مهما بعدتى
خليكى موصولة بيه حتى لو بتعصيه وادعيه يقدرك على نفسك ويقدرك على طاعته ه

(منقووووووووووووووووووووو وووول)[/ color]
[/size]