بسم الله الرحمن الرحيم
***
ده حلم حلمته حلمت ان اتشهرت وبقيت ببيع الاشعار اللى
انا بكتبهالدرجه انى حلمت انى بلدى بقت باسمى
كفر جمال
اتمنى تنال اعجابكم
ومنتظر ردكم الباهظ التمن على صفحتى المتواضعه
****
كنت فى يوم من الايام
مخنوق من الدنيا وتعبان
قلت اتسلى واقرا مجله
طلع فيها كلام فى كلام
وفاجئه سمعت عادل امام
فى فيلم على سينما زمان
ففتحت التليفزيون
انقطع الفليلم وجت اخبار
قمت طفيت كل الانوار
وقلت يارب اهدى وانام
وفعلا روحت فى النوم
وغرقت فى بحر الاحلام
وحلمت انى ببيع اشعار
واعرف شعبان وخميس وعصام
والليثى بيقولى تبعلى
وانا بقوله ملكش مكان
وعملت كارت فيه العنوان
وكتبت اسمى برقمى كمان
كل يوم استقبل ناس
ايشى فنانه وايشى فنان
وبسرعه رهيبه جنيت المال
ومليت القوطه اكوام واكوام
وعملت عقد مع المطرب
اللى بيقول بانجو وبرشام
وابو شاهين بتاع الالحان
عايز يقابلنى فى اى مكان
سبته يعيش مع نفسه اللحظه
وقمت منفض وقلت سلام
وروبى ونانسى وانغام
عزمنى على حفله تمام
قلتلهم ورايا ميعاد
والحفله تتاجل قدام
والفنانه اللى اسمها حنان
مع صاحبتها منى وريهام
عايزنى ائلف اغنيه
لفيلم جديد اسمه الحرمان
وعدويه جالى وعطشان
بيقولى ارحمنى من بنت السلطان
قمت عمله اغنيه
اسمها الميه بالمجان
وحكيم ومعاه حجازى متقال
وشنطه فلوس علشان موال
ولعت سيجاره وكتبته
وقلت فى سرى خدوه يا عيال
وفاجئه سمعت صوت رنان
ابويا بينده بيقول يا جمال
فأكتشف انى فى حلم
بس مكنتش فيه انسان
عايز اوصل واجنى المال
واسرق وانهب واقول ده حلال
وازل فى ناس قريبه منى
علشان الحال بقى غير الحال
لو هعمل كده انا مش شغال
ولا كاتب ولا كلمه كمان
دنا يا نجعاويه ناقص احلم
تبقى بلدنا
كفر جمال
*********
مجرد حلم ممكن يتحقق فى يوم من الايام
بس انا متأكد انى مش هكون كده
لاء هبقى بجد انسان انسان كويس
***
جمال البحراوى
ساحر فى عالم الكلام