حاجه تخنق يا اخي
بالعقل كده الخمره اكبر في الذنب ولا البانجو
تفتح محل خمره تلاقي الحكومه بتديلك تصريح
تشرب بانجو ..........يحبسوك

تروح تصلى تلاقي امن الدوله مستنيك على باب الجامع
تسكر وتعربد .........ماحدش يكلمك
طب روح شارع الهرم كده
هاتحب بلدنا اوي !!!



الحكومه
كل سنه في شهر سبعه الحكومه تقولك اعلان عن ميه وخمسين الف وظيفه
لا والله ............وهايشغلوهم ايه بقا ان شاء الله
اقولك؟؟ ...........ولا حاجه
عارف ليه ؟عشان اصلا شركات الحكومه اتباعت



التلفزيون
تفتح التلفزيون تلاقي مجلس الشعب شغال
طب نسمع مجلس الشعب
عضو جايب بطيخه
عارفين البطيخ.........(طبعا عارفينه هوه فيه اكتر منه في بلدنا هوه والكوسه )
جايب بطيخه بيقوله يا ريس البطيخه بقت بخمسه جنيه قاله بسيطه ما تاكلش بطيخ


برامج الاطفال
قمة السذاجه تأثيرها اكبر من الفول
تسمع البرنامج بتاع خوخه و مشمش
ومش عارف التالت اسمو ايه
تسمع البرنامج يجيلك العبط عالصبح
العيل يقعد ادام التلفزيون دماغو تضرب


قسم البوليس
روح القسم كده وانت ما ليكش وسطه
تاكل ضرب لما تشبع ويطلع سلسفينك
تقول انا ليا وسطه يحطوك في عينهم
وتبقا باشا (عن تجربه)


شرم الشيخ
ياعينى على شرم الشيخ وجمال شرم الشيخ
الدنيا ظايطه والناس هناك لبسين هدوم كتير اوي رغم الحر اللى احنا فيه
وشرطه السياحه رافعه الـ...؟
سياحه يا عم الحاج اللى بتجيب فلوس للبلد
مش فلوس بس وكمان دعـا...؟


ارخص جندي
رغم اننا خير اجناد الارض لكن ارخص دم
حرب الخليج الصف الاول جنود مصريين



رغم كل ده بلدنا حلوه والله ياجماعه
الشعب بتاعنا برضه فيه ناس طيبين اوي
شعب كريم ومتحمل وشهم
الحمد لله يا رب اننا مصريين



تحياتي /
بقلم الخطـــــاط