السلام عليكم

ازيكم يا نجعاويه عاملين ايه

انا عندي اقتراح احسن

الحمد لله الكوبانيه بفضل الله ثم شغلكم بتعلى الحمد لله

فا كل مرحله بيمر بيها الموقع بتلزمه ببعض القيود و الى بتجعل من زوار المواقع احترام ليه

فا انا بقترح اقتراح

طبعا معظمنا بينقل مواضيع لهنا

المشكله فى نقل المواضيع

انها فعلا بتكون مستهلكه

يعني كل الناس تقريبا قرتها

او حتي بتوصل عالميل

فا ما بيميزناش بحاجه و احنا هنا

فا انا بقترح

اول حاجه و هي لو شفت موضوع عجبك و حبيت تنقله الامانه تحتم انك تقول انه منقول من مصدر الفلاني

هو دا زي ما بيدي احترام لكاتب الموضوع انه ما نسبهوش لنفسه

برضوا بيعمل دعايه للموقع التاني ( و دا من حقه ) و بيضعف من قيمة المنتدي هنا

انا بقترح ان مثلا لو حبيت تنقل موضوع تقراه الاول

وتشوف مخزاه

هو بيتكلم عن ايه


وتصيغه بنفسك

يعني مثلا

موضوع عن scren saver بتاع سمك

انا عملت ايه

انا اخدت اللينك بتاع الداون لود

وكتبت الشرح بتاعه من عندي

وكان يا دوب سطرين تلاته

وبكدا الموضوع اتنسب لينا


لان فى الاساس اللينك دا مش منسوب للمصدر المنقول منه


ويكفي ان عنوان الموقع فى لينك الدوان لود بيبين انه منه


لو حبيت تنقل موضوع مثلا حواري

يعني فيه مناقشه لحاجه او كدا

ايه المشكله انه يصاغ بإسلوب كويس

وبرضوا كدا يبقي ليناااا


بس انا شايف عن نفسي ان الموضيع الى فيها معلومات كتير

زي مثلا الاتيكيت و الهوايات ما ينفعش تتصاغ

لانها لو اتصاغت و ما اتكتبش المصدر بتعها

بتفقد قيمتها

نظرا لان المصدر بيكون موثوق فيه من الاصل

دي كانت وجهة نظر يا جماعه و هي معروضه للنقاش